L’ultima stonda di a cunferenza sviluppa unepoche di sperienze, osservazione è riflessione di natura à impuntellà una teuria di a meccanica quantica. Jacques VAUTHIER porta u so publicu da a riflessione generale à una demustrazione illustrata cù esempii cuncreti è ancu ridiculu cum’è pè u famosu Misgiu di Scrödinger, issu sapiente chì imaginò –micca in realità !- una sperienza cù un ghjattu chjosu in una scatula cù un arnese chì tomba l’animale quand’ellu percepisce a desintegrazione di un corpu radioattivu. In issu casu u statu vivu o mortu hè ligatu à u statu di e particule radioattive, dunque u misgiu saria à tempu mortu è vivu sinu à ch’omu apreria a scatula pruvuchendu unu o l’altru di issi dui stati. Applicata à a vita di una particula, issa manera di pensà inghjenna, cù a relatività di l’acquisti è di e certezze scentifiche, una manera nova di cuncepisce a scenza è l’interazzione di i so varii duminii. U garbu è l’estru pedagogicu di a cunferenza appassiuneghja u publicu è u Prufessore Vauthier cunclude invitendu à rileghje ciò ch’ellu chjama l’epupea di Newton, Einstein è Feldman !