Cità testimone

Cum’ella pensa Leria...

 

TESTIMONE

Per mè Corti hè una cità testimone.

Cità testimone chì si pesa cum’è una stantara, simbulu di u nostru anticu passatu.

Cità testimone di a storia di a Corsica.

Cità testimone di u passaghju d’un omu chì hà lasciatu a so stampa ind’è a nostra memoria cumuna.

Cità testimone incù a so citadella, simbulu di lotte è di resistenze.

Cità testimone d’una Corsica muderna chì fideghja davanti ma senza mai scurdà si di u so passatu.

Cità testimone di l’internu, prova chì ci pò esse sviluppu senza perde a so anima, firmà veru, sputicu, u contresempiu di u sviluppu di a piaghja duve spessu l’artificiale hè chjamatu mudernisimu.

Cità testimone d’apertura nant’à altri sapè, nant’à altre culture, fatta di scambii è di prugetti per l’avvene.

Cità antica è muderna cum’ellu era à a so epica quellu chì più di dui seculi fà avia da apre a prima università.