lncù Mediteradiu è Kantara, RCFM s'hè appartu dapoi uni pochi d'anni à d'altri culturi. Comu hè stata accolta sta dimarchja da l'ascultatori ?

Cum'è per tutte e nuvità, ci hè statu un mumentu d'os­servazione in principiu, per studià cum'elle anu da andà e cose. È dinù per abituà si, da una banda, à sente corsu è talianu, micca in cunfrontu, ma ligati in una intercumpreensione linda, è da l'al­tra, à sente osservata a diffi­cultà chè no avemu d'esce à l'insù da u cunfrontu, à le volti dramaticu, trà e cumu­nità chì pupuleghjanu l'isula. Incù u tempu, Mediterradio s'hè istituita in quant'è stonda corsutaliana, a sola nù u circondu audiovisivu, fendu aprova chì e duie lingue si capiscenu. Kantara, in 5 anni, hà riesciutu mi pare à fà risorte a necessità d'un'in­tegrazione attiva di tutte e cumunità chì campanu in Corsica. Emu un bisognu ur­gente chì tutti faccianu po­pulu, da duve elli venganu, chì a nostra demugrafia ca­lieghja.

 Stu bisognu di scambiu era risintitu dinò in Sardegna è à u Maroccu ?

in Sardegna era palesu quant'è in Corsica, u biso­gnu d'avvicinà a sorte di l'Isule Surelle. Dopu à un periodu di divizia per i pru­getti sarducorsi, a passione mi pare calata. Puru sì a brama s'hè firmata intatta. Ci vole forse à pensà à creà raporti ecunomichi prudut­tivi di più, prufittà di a vi­cinanza di issa isula chì ra­presenta un marcatu d'un miglione è seicentumila abi­tanti permanenti.

Pè u Maroccu, hè chjaru u bisognu d'avvicinà si di l'Europa di a quale simu un postu avanzatu in mare. È poi quallà hè assai cunnis­ciuta a Corsica, in bè, malgratu qualchì vicenda nega­tiva in l'attualità.

Chì si pò dì di vicinanza culturali incù a Sardegna ?

Ghjè una realità, cum'elle sò palese ancu e differenze. I corsi devenu accettà sumi­glie è differenze, senza andà culandi à circà un altru sè stessu chì quessu ùn si trova indocu. Duvemu esse per­suasi chì s'è no avemu un av­vene in termini di sviluppu autonomu, serà à fiancu di e regioni chì ci sò e più vicine.

À titulu parsunale chì ritireti di issa spirienza radiufonica ?

A meraviglia di l'incontri umani, di l'amicizie barat­tate. A cunniscenza sempre rinnuvellata di l'altri. U rin`forzu di l'idea ch'è no ùn simu propiamente chè cù u sguardu di l'altri. È dinù u piacè di presentà al di fora, unaCorsica chì si move, puru incù e so macagne.

Aveti d'altri prughjetta d'emissioni, sempri in ssu spiritu quì ?

Incù RCFM avemu l'idea d'allergà Kantarà à d'altri paesi. Attualmente avemu addunitu intornu à issa emissione u Maroccu, l'Algeria, l'Egittu è noi.

Travagliemu à facci entre a Tunisia è u Libanu. Forse cambiendune u cun­cettu.

A Corsica, cusi, si dimus­treria una di e regione e più creative d'Europe in termini di cumunicazione radiu. S'è no riescimu.