A fede d’Anghjula in Corti...

Corti , altu locu di a storia di Corsica ,cù persunaghji maiò cum’è u generale Gaffory è a so moglie Faustina,

Locu forte di a resistenza corsa di pettu à i Genuvesi, à i Francesi.

Oghje i seculu sò passati, è Corti hè sempre altieru impettalatu, cum’è s’ellu s’era fattu un nidu, à u filu di u tempu.

A citadella fiera ferma cum’è testimone supranu  di tante evenimenti, testimone prutettore dinò, d’issa cità, chì s’ella pudessi parlà, saperebbemu parechji affari.

In fine per mè trovu chì quantunque , un bel’ommagiu hè statu resu à tutti quelli chì si sò battuti,chì ci anu lasciatu u fiatu,un fiatu vivu chì ùn si vulia lascia sottumette,

Oghje st’omagiu, sempre cun listessa fede, ghjè l’università chì porta u nome di u babbu di a Patria . Ellu chì si era tantu suscicatu perch’ella ci fussi, oghje avemu riesciutu, anu riesciutu,

chì eiu à l’epica di e lotte era zitella... Ùn vole micca dì chì iss’epica hè compia. Oghje a nostra giuventù pò fà studii in lingua nustrale, lingua cusì bella è cusì puetica.

Persunalamente quandu sò in Corti, mi sentu un duvere militante versu l’antenati ch’anu fattu tantu perchè no possamu avè ciò chè n’avemu avà.

Spergu chì a fiamma ùn sì spinghjerà micca, è chì a nostra giuventù sera sempre vivace è tenerà sempre l’ochju apertu.