MESSA À GHJORNU DI U 31 DI OTTOBRE DI U 2013

Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

Duie cunferenze d’alta qualità, fatte l’ultime settimande à u Spaziu Natale Luciani in Corti.
L’8 di ottobre Ghjuvan Guidu TALAMONI hà ammintatu, cù estru è maestria, i scritti maiò è e duttrine chì impalcanu u pensà è l’azzione di issu currente chì i storichi di solitu chjamanu “Rivuluzione di Corsica”.
U 15 di ottobre Ghjuvan Maria ARRIGHI hà dinù ellu campatu u so publicu cù u studiu ducumentatu è prufondu in quantu à a filusufia pulitica di issu muvimentu, è studiatu in particulare l’attitudine è l’azzione di a Corsica paulista.

U publicu di l’Università INTER-ETÀ, attente è reattivu hà scumbattutu assai cun l’uratori.

IMPARÀ U CORSU... à mumenti
Allocc’à a fine di nuvembre deveriamu pudè mette in ligna un metudu di amparera di a lingua corsa in accessu liberu è di gratisi. Stella Hastings l’hà pruvatu...