STELLA HASTINGS

Scontri di 30.10.2013

 

 

Quandu aghju sappiutu ch’ella era accettata a mo dumanda in u pugramma TERRANEA in Corsica Suprana, aghju saltatu di gioia ! Eccu u missaghju lasciatu nantu à mo scatula elettronica:

« Madamicella Stella Hastings, v’aspettemu cù piacè u 15 di settembre, quì in Corsica, per una durata di dui mesi…Avete da participà à una missione di rivitalizazione d’un castagnetu seculare in lu paisucciu di Pianellu... À prestu.»

STELLA HASTINGS hà amparatu u corsu cù INTERROMANIA

Mi sò detta chì u cuntattu autenticu cù l’abitanti di u paese ùn pò esiste s’è u visitatore ùn cunnosce manc’appena a lingua di u paese d’accogliu...
A mo primura hè stata di trovà un situ bellu adattu per acquistà e base di a cumunicazione in lingua corsa.
INTERROMANIA, l’associu di sustegnu di u centru culturale universatariu di Corti, hà messu à a dispusizione di tutti quelli chì volenu imparà a lingua corsa un situ di imparera. Hè un metudu chì permette à tutti quelli chì volenu imparà u corsu di fà la. Currisponde à i livelli A1 è A2 di u quatru aurupeu cumunu di rifarenza di e lingue (CECRL)
Ci sò vinti sequenze propiu pedagogiche.
Oghje chì hè oghje, possu dì chì stu metudu hè bellu agredevule è sullecitante ; offre un veru accostu cumunicativu di manera pratica. E cundizione d’imparera sò bunissime perchè chì l’amparente hè bellu attivu.
Eiu, aghju amparatu in furia! Allora, fate puru cum’è mè!