QUANT'ELLU CI N'HÈ!

Quant'ellu ci n'hè
Per ‘sse foce suprane
O quant'ellu ci n'hè
Per ‘sse piaghje luntane
Cori, omi inghjuliati
Circhendu identità
Preghendu inghjinuchjati
In trà more è campà

O quant'ellu ci n'hè
Fumacce maladette
Lochi induve ùn ci hè più
Chè tonacci è saette
Ci n'hè tanti o Ghjesū
Ch'ùn sanu più sperà
Ch'ùn puderanu mai più
Nè ride nè cantà

O quant'ellu ci n'hè
Chì stanu tristi è muti
O quant'ellu ci n'hè
Assai sò partuti
Chì marchianu à u passu
È sò pronti à tirà
U capu mai bassu
Dinù pronti à cascà

O quant'ellu ci n'hè
Omoni incarcerati
Senza sapè perchè
Campendu addisperati
Incù sola speranza,
In fondu à e prigiò
D'avè fattu abbastanza
È po d'avè ragiò.
 

Louis Rutheford