SPASSIGHJATA IN U MONTE CINTU PULINOMICU

A manera di ghjudicà a variazione di u corsu da un rughjone à l’altru hà inghjennatu u sviluppu di a diglussia in Corsica. Oramai, puru s’ella ne ferma una forma dispettosa è dannevule, da parechji anni a visione pulinomica hà permessu l’affaccu è a sparghjera di a spressione. Eccu quì un racontu strattu da un scrittu sculare “Girandulata nant’à u Monte Cintu” di Portivechju publicatu in 2000 scritti per u 2000 (ALBIANA-CCU, 2000). U vi presentemu in pumuntincu è cismuntincu.

 (Leghje, sente è ripete e duie versione in appicciu)

Amichi per a vita: un racontu...

A scrivitura in lingua nustrale hà prufittatu propiu di l’entrata di l’insignamentu publicu accessu dopu à e rivindicazione di u Riacquistu. Da sculari o studianti di i trenta anni scorsi sò cusì capaci à esse messi à a dispusizione di i lettori d’oghje. Per contu soiu, l’associu riceverà cun piacè ciò chì i lettori di www.interromania.com ci vuleranu mandà. Da a nostra banda metteremu à pudè esse letti un... saccu di creazione d’iscola. Quellu d’oghje hè statu fattu da una studiante di licenza in l’anni 2000.è  qualcosa, oghje prufessora in Sari d’Orcinu.

(Leghje stu racontu... pulizzeru)

Francesco Ottaviano RENUCCI (2)

In sequitu à u scontru (6 di ghjugnu scorsu) à u cullegiu Simone Vinciguerra di Bastia, emu ripigliatu unepochi stratti da e memorie di Renucci è po’ l’avemu apparagunati cun varii ducumenti stratti di l’Archivie di l’istruzzione publica cunsultati in Parigi (FN117) Aiacciu, Bastia è in Italia (in Pisa pè u più è cù e publicazione di Marco Cini).  Presentemu oghje issi risultati chì schjariscenu i cuntatti è cunflitti linguistichi è culturali in issi primi decennii di u dicennovesimu seculu.            

(Si vecanu riassunti è ducumenti in appicciu)

SPASSIGHJATE TRÀ ARTE, TEMPU È VITA

Mariella CLEMENTI cuntinua e so creazione scritte accumpagnate è fiurite cun spressione artistiche d’altissima qualità. In i so EX LIBRIS ci dice cum’ella inghjenna issi modi di presentà a so vita è e so ispirazione. Sta volta simu chjamati à fà un viaghju chï à vulè o ùn vulè ci porta ind’è i Vichinghi... un ambiente antichissimu è... ancu di più!...Issu Gigante à corne è i so pari saranu u tema di una publicazione più larga ch’ella prepara l’amica Mariella.

.(Fighjà, sente è leghje à tempu)

CATHY: LINGUA, PUESIA, CANTU

Accoglie à Maï Pesce accumpagnatuda Armand Paoli à l’organettu, è dinù à Jean Laurelli

Cathy CAMPANA hà messu in ballu appuntamenti –pè u più settimanali- duv’ella hè usata assai a lingua nustrale. Ci si scontranu persone ghjunte d’ogni locu . Un invitatu di primura hè u piacè,  ma ùn mancanu l’altri scopi è in particulare e ragiunate nant’à a Corsica è e so forze vitale. Musica è canti ci anu un bellu postu, è l’impruvisate ùn stanu tantu à ribumbà!

 (Lighjimu, vidimu è sentimu)