MESSA À GHJORNU DI U 15 DI MAGHJU DI U 2013
Vita di l'associu
![](https://interromania.com/sites/default/files/styles/image_400xx/public/001.jpg?itok=v1NzFk_0)
![](https://interromania.com/sites/default/files/styles/image_400xx/public/bncouv4.jpg?itok=2c3oeNkT)
![](https://interromania.com/sites/default/files/styles/image_400xx/public/bnbais.jpg?itok=h5eaLT-V)
![](https://interromania.com/sites/default/files/styles/image_400xx/public/bncasq.jpg?itok=x2nfZ3rd)
![](https://interromania.com/sites/default/files/styles/image_400xx/public/bnrue.jpg?itok=Lh_QzC47)
![](https://interromania.com/sites/default/files/styles/image_400xx/public/bnsark003.jpg?itok=u31iPCSu)
Pè andà subitu à cunsultà i ducumenti, cliccate nantu à e parolle scritte in rossu
Salute,
Sta volta,
1- « CONVERGENCES POETIQUES ».
VERSU CORTI : Hè stata una bellissima stonda di puesia cun l’affollu di l’Associu Entrelignes è una bella banda di pueti. Ci simu campi. Truverete e filmate di sti mumenti…
2- BONANOVA L’aviamu detta, u numeru 28-29 quant’ellu hè bellu è fine. L’arrugati ùn staranu tantu à riceve lu à u so indirizzu. Intantu, eccu, à strappapagine, dui stratti di a rivista ch’è vo puderete leghje. È s’ella vi garba sta lettura, arrugate vi puru, mandendu ùn sceccu intestatu à : Associu di sustegnu CCU. Centru Culturale.Università di Corsica. 20250.CORTI (un numeru doppiu 28-29 costa 6€). Literatura> BONANOVA
3- NUSTALGIA
Hè esciutu un bellu libru, è chì ammenta a Corsica in modu altru. Di fatti, stavolta ùn si tratta nè di i soliti insulti contru à un’anima culturale chì saria viulente abeternu, nè di issi puttachji legeri è vani chì i people li piace à sparghje in quantu à Kallistè !
Barbara CASSIN ci offre una riflessione in quantu à a nustalgia, un’analisi intelligente è erudita, mossa da u rispettu è chì porta nantu à un pensà mediterraneu prufondu è apertu.
4- DA TERAMO : Ritruvate a ducumentazione ch’ellu porghje u LEM in Italia, cù u travagliu di u nostru currispundente è amicu Giovanni AGRESTI. Hè ellu à cuurdinà un inseme di scontri è attelli in quantu à e spressione minurizate. In u legame quì sottu cunsultate l’archiviu di tutti l’avvenimenti di u LEM-Italia da u 2009. Una ducumentazione diviziosa è utilissima à chì cerca paragoni è paralelli.
www.associazionelemitalia.org
5- Pierre BERTONCINI ci informa ch’ellu esce ind’è L’Harmattan u so libru LES BATAILLES DU PATRIMOINE EN CORSE, Du bicentenaire de Napoléon au rejet du PADDUC (1969-2009). Face u bilanciu di e lotte pè u patrimoniu in Corsica dapoi una quarantina d’anni. A lettura farà prò chì a so analisi, Bertoncini hà fattu vede ch’ella sà esse à tempu ragiunata, prufonda è critica.
6- DA SICILIA : I nostri currispundenti di l’associu ACUSIF (Associazione Culturale Sicilia Firenze) ci insegnanu a paruzione di a so rivista Lumie. Carca à cultura, literatura, riflessione è paragoni. Un incantu !
7- DA BARCELONA: Ci vene ALBA DEL VESPRE l’ultima racolta puetica di l’amicu Carles DUARTE publicata ghjorni fà à l’edizione Eliseu Clement di Barcelona. Cum’è l’altri prima, issu libracciolu squisitu, porta a stampa di a scrivitura tennera –un suppulu nustalgica ?- è attente à a vita è à l’altri di u direttore di a Fundació Lluís Carulla. Unu trà i più gran pueti attuali di Catalogna. Dapoi u 2000 ci face onore cù e participazione regulare à i scontri è baratti chì u CCU urganizeghja. L’ultima volta hè stata per LINGUIMONDU. Bastia, u puema ch’ellu scrisse tandu , fermu « en un balcó sobre el port vell » di fronte à l’isule porta u so universu pueticu duve :
Sagnem records,
Sentim el glaçdel temps sobre les mans,
S’inonda el cor de llàgrimes de terra.
« Bastia » ci hè ind’è ALBA DEL VESPRE. U libru sarà presentatu in Barcelona u 27 di maghju. Vi fate un’affaccata ? S'è vo ùn ci pudete andà, fighjate quì l'opera in a rubrica di l'autori.