TEATRU... TEATRU PAISANU... TEATRU DI RICERCA...TEATRU... TEATRU PAISANU... TEATRU DI RICERCA... TEATRU... 

    Salute à tutti è principiate bè. Pigliate e resuluzione chì ci volenu : leghje sempre di più u corsu da acquistà una lettura sempre più sgualtra… Dunque, di più piacè…
    Oghje vi presentemu qualcusella di teatru corsu : è chì teatru ! Quellu di Teatru Paisanu…
Ultimamente si hè fatta una ghjurnata di studiu in quantu à l’opera di Dumenicu Tognotti. Si hè vistu u filmu di Denis Robert : U Spechju di un Populu è si hè ammintatu u travagliu di a squatra ch’ellu purtò Tognotti in u periudu di u 1970 . Vulia rinnuvà l’idea di l’attività teatrale in Corsica, o per dì megliu, custruisce un teatru corsu. Fù quessa l’opera di u so Teatru di ricerca  è Teatru Paisanu. Trà e persone chì anu purtatu a so testimunianza issu ghjornu custì, InterRomania hà sceltu di presentà dui passi chì riguardanu pè u più a funzione di l’ATTORE è cum’ellu purtava Tognotti u travagliu cun quelli di a truppa.

    À parlà ne sò Maria Ghjuvanna Nicoli, Patrizia Poli è Maria Paula de Mari. Trè riferenze precise, cuncrete, appassiunate è lucide, senza nustalgia chì inciampa, ma cun quella chì maraviglia.

   Ritruvate e so -bellissime- parolle ind'è a rubrica Scontri>Attelli è Literatura>Teatru