Ducumentu
Pruvincia di Siracusa
![SIRACUSA_Orecchio-di-dionisio-houel 3 SIRACUSA_Orecchio-di-dionisio-houel 3](https://interromania.com/sites/default/files/styles/image_548xx/public/siracusa_orecchio-di-dionisio-houel_3.jpg?itok=NydcbzfF)
SIRACUSA_Orecchio-di-dionisio-houel 3
A pruvincia di Siracusa (Pruvincia di Sarausa in sicilianu) conta 404271 abitanti è hè stesa 2109 chm2. Hè in cunfine di a pruvincia di Catania à nordueste è a pruvincia di Ragusa à l'ueste. Tocca à i mari Ionianu è Mediterraneu.
Per mezu di u portu d'Augusta è a cità di Siracusa a pruvincia hà un cumerciu maiò. Hè turistica assai è vale pè a so storia, l’archeulugia è l’arte. Ci si trova u lavu di Lentini. A capitale Siracusa hè crucivia di treni è di stradoni, impurtante pè a Sicilia sana.
Territoriu
Issa pruvincia hè à sudeste di a Sicilia. À l'este tocca u mare Iunianu. À nordu ci hè a pruvincia di Catania. À l'ueste, hè in cunfina cù a pruvincia di Ragusa. I so paisaghji sò varii:
- A zona nordu (Lentini, Carlentini è Francofonte) appartene à a valle di u Simeto, è in a pianura di Catania: ci si face assai a cultura d'agrume.
- U pianu Ibleanu tene terre agricule cun carriere è campi tamanti.
- Anapo occupa a parte centrale di a pruvincia, duv’ellu ci hè u più ghjente. U liturale hè fattu à calelle assai cum’è u golfu d'Augusta.
- A punta à sud hè cundiziunata da u mare chì ci entre è ci hà furmatu padule.
Certi studii anu fattu vede chì l’area ibleana face parte di u stratu geulogicu africanu. Di fatti u scontru trà stratu eurasianu è stratu africanu hè in Sicilia.