Riliveti
![Alghero adalghero.it Alghero adalghero.it](https://interromania.com/sites/default/files/styles/image_548xx/public/alghero_adalghero.it_0.jpg?itok=y6ID5BrH)
Alghero adalghero.it
Riliveti i noma di a cità in i dui lingui usati, scupriti una particularità archititturali : intarisseti vi à i noma di i turri aghjustati in drintu.
U PICCULU CARRUGHJU GOTICU DI ALGHERO
Piazza Civica («plaça del pou vell», o «plaça de la ciutat»), a piazza di a cità hè di sicuru cun Porta Terra è Piazza Sulis unu di i punti classichi di Alghero, appuntamentu di tutti è teatru di e manifestazione culturale.
Hè certa chì a cità sana sana si pò dì ch’ella hè carrughju goticu in issi muri, ma custindi ci hè propiu u so bellu «barri gòtic alguerés». Di fatti, trà mezu à una mansa di strette è carrughji sia paralleli sia incruciati in Piazza Civica, sò alzati i palazzi goticucatalani più impurtanti: «Palau De Ferrera» dettu oghje «Palau d'Albis», «Palau Lavagna» (o di a meridiana) è, di fronte à u Portal de la mar, l'antica «Duana Reial» in Piazza Civica; «Palau Guio i Duran» (oghje Peretti), Via Roma; i palazzi trà Via Carlo Alberto è Vicolo Serra; via Carlo Alberto u «Palau Llorino» o «Rossi» (oghje Adami) et u «Palau Ross» di fronte à a chjesa di San Francescu (per daretu, Via Maiorca, duie finestre, sò state ristaurate, una semplice è l’altra doppia); Via Sant'Erasmo, unu trà i palazzi più belli di a cità: tempi fà saria statu di a famiglia ghjudeia di i Carcassona, è po «Palau Reial», dopu cacciatu i Ghjudei da a cità in u 1492. Ci fermanu vistighe di finestre ghjumellate delicate messe à palesu durante e riparazione recente. «Palau Tana-gons» - oghje Guillot - (duv’elle spiccanu, drentu è fora, parte goticucatalane di u xvu seculu, puru s’elle sò duminante e forme spagnulizante di una ristrutturazione di u XIXu seculu) in a via Gilbert Ferret; è po ci hè u «Palau Vinci» o «Tibau» in a via Principe Umberto. Dunque ùn sarà micca sprupositi di dì chì Alghero a “Barcelunetta sarda” hà, cum’è Barcelona, u so quartieru goticu?.