Era beatu Mr Findussu…sin’à u ghjornu chì unu di i so  impiegati li rendi visita…

SCENA 1

• -Bonghjornu ! vuleria parlà à Mr Findus…

U servu-Dorme sempre è m’hà dumandatu d’ùn discitallu nanzu à 11 ore…hè stancu…travaglia assai…

• -Discitatelu ! diteli chò li vogliu parlà hè assai assai impurtante !

U servu -Mà…dopu… sò eiu ch’aghju da piglià…

• - allè O Ghjacintu  passate è discitatelu è preparate dui cachets d’aspirine …   allè curagiu !

U servu -pichja à a porta, pianu pianu Monsieur ? monsieur ?l’altru s’avvicina è pichja forte monsieur ?

Mr Findus -CHÈ ?? CHÌ C’HÈ ? CH’AGHJU DETTU ERI SERA ? !!

U servu -Mà qualchisia  vi vole vede …dice chÌ hè assai impurtante è….

Mr Findus -sorte d’un colpu è punta u servu Iè ! Qual’hè ?

• -Sò eiu ! Martinu u vostru cuntabbile !

Mr Findus –beuh! Site bellu brunzatu ! erate in vacanze ?

• –ùn sò micca quì per parlà di e mo vacanze !

Mr Findus , vuleria una crescita di u mo mese !

Mr Findus - una crescita ??INNÒ !

• -Mr Findus mi vogliu marità è….

Mr Findus -È allora chì mi pò fà ? aghju d’altri penseri !

• -Mr Findus ùn toccu chè 3000€

Mr Findus -È allora? ùn hè bè 3000€ …ùn vi pare nunda… quantu vulete?

• -O Mr Findus... almenu 6000€

Mr Findus -AH!si sente male

U servu- tenì un aspirine…

Mr Findus -sortimi di quì tù !

 Tandu sonanu à a porta

-Allò Vai è apri O Ghjacintu !

U servu -Iè …iè…apre è entrenu trè chinesi custumati cù cartulari entrate entrate…

A sicretaria -Vuleriamu parlà à  Mr Findus per piacè…

U servu -Venite venite…

Mr Findus -Qual’hè, O Ghjacintu?

U servu -Clienti ! Mr Findus, clienti …chinesi ! Mr Findus … chinesi

Mr Findus-Quessa a vecu !

A musica di Gangnam style, è entrenu balendu è dopu si calanu tutti e trè unu vicinu à l'altru.

Chinese 1-Mr Sue…

Chinese 2-Mr Shi…

Chinese 3-Mr Sushi…

A secretaria-Madamicella Noodle a so secretaria è li tocca a manu Bonghjornu! onorabbile  Mr Findus…

Mr Findus -Salute salute chì vulete ?

Chinese 1-ùn l’hà micca u gangnam style!

Chinese 2- hà piuttostu u pyjama style!

Chinese 3-Cumu dicia u grande Confucius : « Cù un omu in pyjama, affari ùn si ne pò fà ! »

A secretaria -Vuleriamu parlà affari  Mr Findus

Mr Findus -Ha !  calatevi calatevi … Ghjacintu arrega u Whisky ! nò nò u saké per sta ghjente!

Chinese 1-fidighjate e ciavatte !

Chinese 2-chì facciaccia !

Chinese 3-Cumu dicia Mao Tse Tong : « À chi goffu di natura, ùn vale a vestura ! »

A secretaria -Mr Findus vi vulemu passa una cumanda..

-Una grossa cumanda…grossa cumanda…

Mr Findus -ah ah una grossa cumanda !.... a China chì paese maraviglosu !  una cumanda di chè ?

A secretaria -Una cumanda di carne purcina….

Mr Findus -Carne purcina ? ah iè …carne purcina ! quantu ?

Chinese 1-fideghja a tuscia di u tippu !

Chinese 2-Ha ha ha !

Chinese 3-Cumu dicia Jacky Chan: « U mondu hè fattu à scale à chì colla à chì fala ! »

A secretaria -Una centunaia di tonne…

Mr Findus -una  CENTUNAIA di TONNE ?? Oimè !...cumu avemu da fà….

• Lasciate mi fà ! à i chinesi Micca prublemi ! per chì fane O Mr Sue di tutta sta carne purcina?

Tutti i trè à tempu-Nems!

• -Macinata allora !  ... per fà i nems…macinata!

A secretaria -Oh ! iè ! propiu bè ! macinata !

Entre a socera.

A socera-Annunziata ? sò eiu ! iè qual’hè chì mi chjama ?

Mr Findus -Santu Diu a mo socera ! O Pauletta a to mammà ! hè quì!

• -Veni o mà ! veni … 

Mr Findus -Scusate ….Hà !?... macinata ? …centu tonne macinate ? …carne purcina ? si gira versu à Martinu è li parla pianu pianu …a Corsica sana ùn l’hà tutti sti porci ? chì ne pensate O Martinu ?

• -à Mr Findus Lasciate fà à mè… à i chinesi vi pudemu fà dirittamente i nems !

à Mr Findus sò cum’è canelloni !

Chinese 1-avete vistu a vechjaccia!

Chinese 2-Cumu dicia Grossu Minutu : « I vechji hè megliu à tumballi quand’elli nascenu ! »

Chinese 3- hi hi hi!

A secretaria -Ha ! bravi bravi….dirittamente i nems ….

-allora vulemu i nems in barchette …….

 in barchette di …….

Mr Findus - di quantu?

A secretaria -di centu…

- è pò …cunghjelati…

• -Micca prublemi! L’averete!
• -caccia un fogliu Firmate custì ! hè detta ! centu tonne di nems ! in barchette di centu !

Martinu  è Mr Findus-allè à a salute ! di a China è di i chinesi !

I Chinesi-à a salute di i corsi è di a Corsica !

A secretaria -À vedeci Mr Findus !

Mr Findus -Cumu avemu da fà o Martinu ?!! site scemitu ! i chinesi ùn si lascianu micca fà ! sò terribbuli s’elli si inzerganu ! avemu da finisce noi… in nems ! cumu emu da fà ?

• -Ùn vi inchietate…s’ella ùn hè purcina serà vaccina ! poche vacche vechje per ste muntagne ! lasciatemi fà !

Mr Findus -È a tracciabbilità o Martinu!?? chì ne fate?

• -ChÌ tracciabbilità ? ci ne infuttimu di a tracciabbilità ! ùn cunniscite à nimu à a prefettura ?

Mr Findus -heu .. .iè… aghju ancu un cuginu veterinariu…un imbecile… un veru imbecile …mà hè un cuginu…

• -Allora ! tuttu và bè ! ghjovanu sempre  i cugini !...ancu imbecili !

 

 

 

 

 

 

 

SCENA 2

Mr Findus -mà…chì erate venutu à dimmi ?

• -Hà iè ! mi vogliu marità!

Mr Findus -è allora ??

• -mà cum’ella hè abbituata à spende senza cuntà, mi ci vuleria una crescita di u mo mese …

Mr Findus -Ho ho…faci di furia tù !ho ho!

• -è qual’hè chì vi face fà l’affari? Mr Findus?

Mr Findus -hà iè, hè vera…mà…

• -Mr Findus… Mr Charal… , u cunniscite à Mr Charal, m’hà prupostu 6000€ u mese basta chò u chjami è ….

Mr Findus -bon bon cumu hè a vostra inamurata?

• -oh hè bella…un amore !...hà certi capelli biondi….magnifichi !

Mr Findus -i so parenti ?

• -Sò brava ghjente…bella situazione….

Mr Findus -allora felicitazione! Li tocca a manu Avà tuccherai …tuccherai…aspetta…tuccherai

5999 € u mese… è ti numineghju Direttore di u dipartimentu di a carne purcina !

• -vi ringraziu !  face per sorte è torna è vene  

ha !  Ghjacintu prepara l’aspirine ! Vi vulia dumandà qualcosa….Mr Findus vi dumandu a manu di a vostra figliola !

Mr Findus -a mo figliola !!?? mà qualessa ?a goffa ?

• -innò…innò … hè bella !oh ! cum’ella hè bella…

Mr Findus -Bon bon bon sò d’accordu !

• -oh ! vi ringraziu assai ! eccu un mazzulu di fiori per madama a vostra moglia!

U servu-Oh chì belli fiori !

Mr Findus -sortimi què di quì tù!! li lampa i fiori addossu

-per a mo figliola sperava un più bellu matrimoniu!

• -mà à partesi da sta mane…ùn sò micca DIRETTORE di a carne purcina ?

Mr Findus -mà madamicella a mo figliola hè abbituata à spende ASSAI… è un direttore ùn li basterà !

• -mà eiu, Mr Findus, li dò tutta a mo furtuna!

Mr Findus -HA  HA HA a vostra furtuna!?? Ça lui fait une belle jambe!

• - 60 000 € ! …60 000€ è 46 centimi !

Mr Findus -Cumu ?60 000€ è 46 centimi ? …VOI !??

• -EIU !

Mr Findus -è da induve vene sta furtuna? da un ziu prete ?

• -i v’aghju arrubbati !

Mr Findus -à mè ??!!micca pussibbule !

• -è iè !

Mr Findus -ÙN HÈ PUSSIBBULE ! VULETE RIDE !

Entre u servu cù l’aspirine

Mr Findus -un caffè bellu strettu micca sta medicinaccia ! rivocca u buchjeru in terra  è avà chjamu a pulizza !

• -è perchè ?

Mr Findus -PERCHÈ !!?? avete da batte in BORGU ! 60 000 € è 46 centimi ! ARRUBBÀ À MÈ ! À MÈ UN POVERU DIRETTORE ONESTU !

CHJAMU A PULIZZA !!!

U servu ghjunghje cù u caffè.

• -Ci pudemu arrangià...Mr Findus…

Mr Findus -ARRANGIÀ ! O FURDANU CHÈ VÒ SITE ! ARRANGIÀ ? INNÒ !

• -i 60 000, 46 centimi i v’aghju arrubbati…mà ùn manca nunda nù e casce…figuratevi chì mancu l’impositi nù a sanu… allez ! chjamate a pulizza! Cusì i cuntrulori metteranu u nasu nù i conti…cusì darete spiegazione….à a pulizza….

Mr Findus -mà cumu avete fattu? S’ellu ùn manca nunda nù e casce…

• -vi n’arricurdate i Quick, chì vulianu i nuggets ? l’emu fatti mà micca cù u pulastru …sumerini !

Mr Findus -Sumeriniiii ??!! mà cumu avete fattu ? per la miseriaccia !

• -Macinà a carne…imbiancalla cù a javel…culurilla cù culurante fabricatu in China naturale…bene intesu ! è i nuggets sò fatti ! è pò belli boni !

Mr Findus -mà tutti sti sumeri ???

• -da Rumania ! ciò chì spiega i soldi valanti à l’appiattu ! et alors ..et qui on est ?

Mr Findus –mà allora… sti soldi l’avete voi !

• –iè ! aux îles Caïmans ! i daraghju tutti à a vostra figliola …s’è ci maritemu !

Mr Findus -quantu face  chè vò a cunniscite, a mo figliola ?

• -euh ! quant’à mè face trè anni !

Mr Findus -chè !? trè anni ?! quandu v’aghju impiegatu ! ùn avete persu tempu !

Entre u servu cù un caffè è un aspirine

Mr Findus -voi surtite !

U servu -quale eiu ?

• -quale eiu ?

Mr Findus -iè voi ! nò voi !

U servu-qual’hè ch’hà da stà ? qual’hè ch’hà da sorte ? monsieur ?

Mr Findus -andate à riflette IN CUCINA !

• mà perchè a mo figliola ùn mi ne hà mai parlatu ?
• -li fate a paura !

Mr Findus -eiu ? li facciu a paura ? prima nutizia ! s’hà da spiegà subbitu subbitu !

• -mettitela in cunfianza è v’hà da parlà ! eiu sortu appena !Allè  O Antò ! à prestu !

U servu -Vi chjama Antò ! bah !

Mr Findus -tù chjodila !

 

 

 

 

 

 

 

 

 

 

 

SCENA 3

Mr Findus -Catalina ! Catalina  veni quì !

a mo figliola …ti vogliu marità !

• -pienghje, stridda Cumu maritammi ?!  cun quale torna ?! cù u goffu ! u Conte di a Zucca ! sta zucca ! u goffu cum’è un pidochju !pienghje

Mr Findus -BASTA ! a sò chè tù ti voli marità !

• - mà si n’hè andatu !!! parla di u sciuffore

Mr Findus -s’è tù striddi cusì ti mandu nù un cunventu ! cù e sore ! t’aghju da calmà eiu !

•  

– aghju a pena in capu ! mi scimiscenu !

U servu -O monsieur vulete un cachet d’aspine ?

Mr Findus -Mà mi vulete tumbà cun tutta iss’aspirine ! è sorte

-pienghje, stridda

 

Entre a serva.

• -mà chì c’hè O madamicella Catalina ?
• -mi vogliu marità cù Orsu !... mà cumu fà ? mi ne vogliu andà di sta casa ! affogu quì ! ùn possu più stà quì !
• -fate crede chè vò site incinta! U vostru babbu và da marità subbitu subbitu!

a serva sorte, a figliola stridda, u babbu ùn vene, stridda torna più forte

Mr Findus -chì voli ?

• -ti vulia dì qualcosa…

Mr Findus -chì c’hè torna ?...poca ghjurnata…aghju u mo capu intrunatu !

• -O bà…sò incinta !

Mr Findus -CHÈ ??!!

• -u chjameremu… Ghjacintu !

Mr Findus -MICCA PUSSIBBULE ! CH’AGHJU FATTU À U SIGNORE ? MADONA AIUTATEMI !

ùn l’avete micca da chjamà Ghjacintu ?

Chjama u servu

U servu-Iè monsieur chì vulete ?

Mr Findus -Vogliu trè cachets d’aspirine !

U servu-l’aghju digià preparati !

• -allora voli ch’ò mi mariti ?

Mr Findus -sò bè obligatu !

• -O merci ! l’aghju da annunzià à mamma ! è sorte cuntenta.

 

 

 

 

 

 

 

 

 

SCENA 4

Pichjanu à a porta, Ghjacintu và e apre. Hè una giuvanotta.

U servu - Iè … iè….quale sera à st’ora quì ?

• -Bonghjornu. Vuleria parlà à Mr Findus per piacè.

U servu -Mr Findus si riposa…ne hà avutu abbastanza oghje…

• -Ci vole chò u vechi ! hè assai impurtante !

U servu -Bon entrate entrate…aspettate quì…

Mr Findus….Mr Findus….c’hè qualchisia chi vi….

Mr Findus -CHÈ? QUAL’HÈ TORNA! MÀ CH’AGHJU FATTU PER ESSE CUSÌ CASTIGATU !

U servu -Una giuvanotta vi vole parlà…

• -Mr Findus…aghju fattu crede à u mo inamuratu chì era a vostra figliola…

Mr Findus -CUMU CUMU ?!!

• -aghju dettu chì mi chjamava Findus perchè ….in fatti …

Mr Findus -MÀ PERCHÈ !

• -perchè u mo nome hè …Pulpetta…Nenetta Pulpetta…

Mr Findus -AH ! Capiscu…

• -Allora aghju dettu chì era a vostra figliola…è chì era ricca….

Mr Findus -Mà chì face nù a vita u vostru inamuratu ? Cumu si chjama ?

-Hè passatu Direttore nù u so travagliu, si chjama …

Mr Findus -Ùn si chjama micca Martinu per asardu ?

• -Iè ! cumu a sapete ?

Mr Findus -Per la miseriaccia ! perdu tuttu!

• -Chè ? chì dite ?

Mr Findus -Nunda ! piattatevi in stanza!

-HO HO !...avà l’affari sò in francese!

 

 

 

 

 

 

 

 

 

 

 

 

 

 

 

 

 

 

SCENA 5

• O Antoniucciu! Cheri! Induve sì!

Mr Findus -Sò quì! Induve aghju da esse! Senti quì ! ghjust’à puntu ti vulia dì qualcosa !

• -Iè chì voli ?

Mr Findus -ti n’aghju da amparà una !

• -oh ! una bona nutizia spergu ! emu trovu un maritu à Rosa ?

Mr Findus -Innò ….per disgrazia ùn ne aghju ancu trovu !

A socera-Ch’hà da truvà !

Mr Findus -O Mammasò…per piacè…state zitta!

A socera -Mi stò zitta s’è vogliu! Sò ind’è a mo figliola quì!

Mr Findus -Fideghja O Pauletta….dilli di stà zitta….m’hà da scappà a pazienza!

• -O Mà ! lascialu parlà.

Mr Findus -O Pauletta, a nostra figliola hè incinta!

• -Incinta ! Oh ! (hè cuntenta)

Mr Findus -Ghjè tuttu ciò ch’ella ti face !

A socera -Ch’hà dettu ?

• -Hà dettu chì Catalina hè incinta !

A socera -Una cinta ? Chì n’hà da fà ? da a mane à a sera si stà in pyjama !

Mr Findus -Sai O Pauletta chì c’hè a piazza à u Serenu ? M’hà da scappà a pazienza o Pauletta !

A socera -Chì dice torna ?

• -Nunda o Mammuccia !

A socera -hè sempre annerbatu u to maritu !

Antone chjama à Catalina.

Mr Findus -O Catalina ! Catalì! VENI QUÌ!

• -qual’hè u babbu di stu ciucciu?
• -ghjè Orsu!

Mr Findus -ORSU ?! mà l’aghju messu à a porta! Sò quindeci ghjorni !

Catalina pienghje è stridda. A mamma seguitata da a mammone entrenu.

A socera-O figliulè chì ai ? ùn pienghje ! chì c’hè ? chì l’avete fattu !

Mr Findus -Nunda ! ùn aghju fattu nunda !

• -IÈ ! hà rinviatu à Orsu ! Orsu ! u so Orsu !
• -O Antone …ne sì sempre à vulella marità cù u Conte di a Zucca !
• -Stu goffuuuu ! (si ne và pienghjendu)

 

Ghjunghje Martinu.

• -A mo socera…vi salutu !
• -A mo socera ? mà ….mà quale site ??

Mr Findus -Iè ! hè vera! Chì fate quì ? quale site ?

• -…

Mr Findus -Pauletta vai à chjinnà a to mamma !

• -mà vene d’arrizzassi !

Mr Findus -torna è chjinnala !

A socera -Ch’hà dettu ?

• -Andemu…andemu dodo o mammò dodo dodo

 

SCENA 6

Mr Findus -Martinu…vuleria esse sicuru chè vò avete da dà i soldi à a mo figliola…

• -mi pigliate per un ladru ?!

Mr Findus -infine….ùn si sà mai…s’elluv’accade qualcosa…ùn aghju micca guarantia eiu ! s’è vò mi fate un sceccu…cusì a mo moglia seriia ancu più cuntenta di marità a so figliola…s’ella vede u sceccu !! capite ?

•  

Mr Findus -Ghjuvelli ?! riflette impenseritu è dopu  ride HE HE HE mi vene un idea…sti ghjuvelli , i li rigalate per e fiançailles, cusì a so mamma serà cuntenta !

• -iè  vò à circalli !

Mr Findus - Avete nutizie di Orsu, u mo sciuffore ?

• -Cumu nu a sapete ? si n’hè andatu appressu à l’orsi in cima di u Monte Cintu ! un amore persu …si n’hè andatu…tuttu què à causa di u babbacciu di a zitella ! un omu tortu, una spezia di imbecile …

Mr Findus -Ha ?...

• -…u corciu …hè partutu per sei anni…

Mr Findus -Ho !

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

SCENA 7

• -Monsieur vi vulia dì qualcosa…

Mr Findus -chì c’hè ?

• -Monsieur, mi n’aghju da andà !

Mr Findus -ah bon è induve ?

• -Mi maritu !cù u Conte di a Zucca !

Mr Findus -Allè ! micca pussibbule ! u goffu ?

• -Hum hum…

Mr Findus -intantu sbarrazzate appena a sala à manghjà ! è fate a vostra valisgia ! è bon viaghju ! sbarrazza è sorte.

 

Mr Findus - Pauletta !

• -Iè ! chì c’hè o Antuniucciu…

Mr Findus -a serva si marita cù u Conte di a Zucca ! Orsu hè nant’à u Mte Cintu per sei anni ! appressu à l’orsi ! a nostra figiola hè incinta ! i soldi sò in banca ! Catalina ùn hè micca inamurata di Martinu ! Martinu ùn hè micca inamuratu di Catalina !ci sò l’orsi nant’à u Monte Cintu !...

• -Antone ? mà scimisci ?

Entre a socera.

Mr Findus -aghju da STRANGULÀ A TO MAMMA !

• -ùn ci capiscu nunda! Mi  inchieti o Antò…mi inchieti...veni o mà !

A socera-chì casa di scemi !

Rosa –Chè ? u conte si marita cù un orsu ? emu da cullà à mammò nant’à u Monte Cintu ? Innò ! ùn vogliu micca !n`nò nò micca mammò cù l’orsi !

Mr Findus –sò pudia !!!!

                                                            

 

 

 

 

 

 

 

 

 

 

 

 

 

 

 

 

SCENA 8

 

Sona Martinu à a porta, u servu và à apre, Mr Findus u punta è passa ellu.

Mr Findus -Ah ! a valisgia!

• -oh oh oh bas les pattes! Micca tuccà !

Mr Findus -t’aghju da amparà qualcosa … a mo figliola hè incinta !

• -INCINTA !?

Mr Findus -Iè incinta ! allora site u babbu di u mo figliulinu…

• -Oh cumu sò cuntentu !

Mr Findus -allora a valisgia…heu…u matrimoniu !

• -iè iè ùn vi inchietate…

Mr Findus -mi inchietu ghjustu à puntu ! mi inchietu !

• - perchè ?

Mr Findus -a valisgia… vogliu esse sicuru di pudè dà sti ghjuvelli à a mo figliola è à u mo figliulinu… allora firmate custì scrivite chè vò v’avete da marità cù a mo figliola…

• - È voi scrivite dinù ch’aghju da ricuperà a valisgia u ghjornu di u mo matrimonu è dopu firmate sottu ! scrivenu inseme è si piglianu e lettere attempu.

Mr Findus -allez a valigia !

• -tenì !

Mr Findus -oh a valigia….l’apre, a chjode, a carezza, hè cuntentu.È avà passemu à affari più amusanti…emu da fà a surpresa à a mo figliola ! Aspettate quì , a chjamu !

 

 

 

 

 

 

 

 

 

 

 

 

 

 

 

 

 

 

 

 

 

 

SCENA 9

Mr Findus -Nenetta ! nenetta ! veni !

• -…

Mr Findus -ci vole chè tù dichi a verità à Martinu. Seria megliu per tè è per ellu ! ci vole sempre à dì a verità ! allez vi lasciu !Si mette da cantu cù a valisgia nant’à a ghjinnochje.

• -Oh nenetta…amore….u mo fiore….
• -Oh Martinu….u mo core…aghju qualcosa à ditti….
• -anc’eiu.. sai…travagliu per u to babbu !
• -Oh Martinu…ùn sò micca a figliola di Mr Findus…
• -Chè?!! Ùn sì micca a so figliola! A valisgia ! u ladru ! a punta è ella si ne và
• Nenetta ! Nenetta !

Sorte appressu mà entre torna è Mr Findus tene e so chjave in manu.

 

Mr Findus -Sò quì!

• -a sapiate?!!

Mr Findus -sicuru chì a sapia! Avà vi renderaghju I ghjuvelli s’è vò spusate a mo figliola!

• -Mà qualessa? A vera?

Mr Findus -Iè a vera! M’avete dumandatu a so manu…ùn ci vulia micca à sbagliassi HA HA HA!

• -Allora fate un lotu a figliola è a valisgia !?

Mr Findus -è ancu un supplementu : site u babbu di u ciucciu di a mo figliola !

• -mà site un veru furdanacciu o Mr Findus !

Mr Findus -è iè ! certe volti mi stumacu da per mè !aspettate a chjamu ! Catalina ! Catalina !

• -iè o bà !

Mr Findus -fideghja ! u to maritu !

• -ah ! l’ai spiegatu tuttu ?

Mr Findus -iè !

• -ùn hè micca bellu cum’è Orsu…mà anderà !
• -Cumu !?? hè Orsu u rispunsevule ?
• -allez allez andate è fate cunniscenza !

Mr Findus -Pauletta ! tutte e volti chè tù l’apri hè per dì cunnerie ! allora chjodila !

I giovani sò calati. Martinu s’arrizza.

• -À vedeci ! è ci truveremu in meria ! si ne và, tandu croce à u massore.

 

 

 

 

 

 

 

 

 

 

 

SCENA 10

• -Bonghjornu so u massore di Mr Findus! Li stringhje forte a manu.
• -Martinu !parte è volta.

-ùn site micca campione di qualcosa ?

• -Iè 3 volti Mister Corsica nant’à a piaghja di a Marana !
• -OH OH allora avete tutte e zitelle appressu ?
• -…
• -ùn site micca maritatu ?
• -Innò ! perchè ?

Martinu và e piglia Catalina per a manu.

• -Eccu ti prisentu à Nico !U massore arrangia u so material è face muvimenti, face vede i so musculi.
• -hè u massore di Babbu!
• -è allora ùn hè bellu? Più chè mè!fidighjate!
• -oh iè…!
• -allora spusatelu!
• -chì vulete?
• -ùn v’occupate micca di noi, ùn simu micca quì…
• -ah bon ? cù un aria inbecile.mà sò quì …nò ?
• -u vulete spusà ?
• -heu…allè iè !
• -a basgia Chjamu u vostru babbu ! ANTONE !

Mr Findus-Iè chì c’hè ? avete fattu cunniscenza ? ghjunghje cù a valisgia.

• -a vostra figliola hè inamurata di u vostru massore !

Mr Findus -quale !?? st’abruttitu! stu imbecile !

-Catalina ! hè vera ?

• -Iè o bà !
• -ùn sò micca u so generu…capite…

Mr Findus -mà cambia i mo piani!

• -mà innò! Mi rendite a mo lettera è vi lasciu a valisgia!

Mr Findus -lasciatemi riflette ! turnate à vene è vi renderaghju a lettera s’è tuttu viaghja bè!

• -ah ! Mr Findus sapete chì ci vole à firma qualchì fogliu per i chinesi…a so secretaria hè venuta à dumandalli….

Mr Findus -date quì ch’o firmi ! induve ?

• -quì ! quì ! è quì per sbluccà u contu! tandu piglia un fogliu in borsa è u face firmà.

Mr Findus -eccu ! Martinu si ne và .

-fideghja era cusì bè ! a scuzzula

• -mà eiu preferiscu l’altru ! pienghje è si ne và stridendu

Mr Findus s’avvicina da u massore chì face i so muvimenti, a boxa.

Mr Findus -oh oh sò quì!

• -ah iè! Salute ! li strighje forte a manu è li face fà i muvimenti.

Mr Findus -Nico…mi trovu davanti à un grave prublemu !

• - ah ! e vostre pene nù u spinu ! venite quì è allungatevi !

Cappia a valisgia mà a si face dà, u massore li massa u spinu, ellu li mena, tandu u massa senza tuccallu.Nico - cusì và bè ?

SCENA 11

Ghjunghje a serva vestuta cum’è una cuntessa, una valisgia in manu

Mr Findus -chì hè stu catalogu ??

• -monsieur a sà…mi ne vò…mi maritu cù monsieur u Conte di a Zucca…

Mr Findus -Stu nome vi sterà in incantu !

• -vogliu esse pagata monsieur !

Mr Findus -quantu vi devu ? passatemi u mo portamuneta voi !

• -150€ !

Mr Findus -tenì è surtitemi di trà li pedi !

• -quandu anderemu nù u nostru castellu à bor di mare…spergu chè vò venerete à vedeci cù madama a vostra moglia !

Mr Findus -oh…..

• -avvedeci caru amicu !

Mr Findus -avvedeci madama a Cuntessa…di a ZUCCA ! OH OH OH!

A serva si ne và è si sbaglia di valisgia, piglia quella di i ghjuvelli è lascia a soia.

 

U massore massa à Mr Findus.

Mr Findus - ditemi o Nico ..a mo figliola si vole marità!

• -cun quale ?

Mr Findus -cun voi !

• -Cun mè !??

Mr Findus -iè ! ditemi Nico…vi piacenu i ciuccetti ?

• -i ciuccetti ? iè mà…

Mr Findus -mà chè ?

• -….

Mr Findus -vi piacenu o nò ?

• -…

Mr Findus -Hein ?

• -ùn ne possu avè…aghju avutu l’arichjoni è dipoi…face u gestu chì  hè finita

Mr Findus -mà possu arrangia què !

 

Affacca a moglia cù a so mamma è Rosa.

• -chì si passa Antoniucciu? Catalina s’hà lasciatu à Martinu ?

U massore li stringhje a manu è li face male.

Rosa – Orsu s’hà lasciatu à Catalina, Catalina s’hà lasciatu à Martinu !Hi hi hi è Martinu si marita cù Orsu !

• -Antò ?hè stu giovanu ch’ella vole spusà Catalina ? Ho ! ùn hè micca male ! 

Mr Findus-hè magificu!

caccia u teeshirt , hè pilutu

a socera-oh disgraziati! troppu pilutu!

• -pare una scimia!

a socera- U veru gorille!

Mr Findus -o mammasò ! chjudidela ! Pauletta !

• -andemu andemu o mà….

 

 

Mr Findus -Nico ! u mo Nico…cumu truvate a mo figliola ?

• -bellina …mà ci vuleria à travaglià appena…hè un pocu zimba….

Mr Findus -Cumu zimba ?....a vulete addirrizzà? Hein?

• -ùn capiscu micca…

Mr Findus -maritenduvi!

• -ah… !

Mr Findus -vidite sta valisgia…sta valisgia….

• -iè

Mr Findus -c’hè nentru custì di chè fà a vostra felicità! Vi puderete cumprà un staddu micca una sala di musculazione !un staddu ! allez ! aprite !

-un staddu ! aprite !

U massore si cala è apre, ne caccia una culotta è un soutien-gorge.

Mr Findus -ha ! ha ! mà chì hè ??

• -una culotta ! un soutien-gorge !

Mr Findus -a valisgia di a serva ! per la miseriaccia ! si n’hà purtatu a meia ne u Conte di a Zucca !

• -chì Conte ?

Mr Findus -l’anzianu inamuratu di a mo figliola !

• -a vostra figliola hè a inamurata di u Conte ?

Mr Findus -nò preferia Orsu !

• -Orsu ?

Mr Findus -iè Orsu u sciuffore chì si n’hè andatu nant’à u Monte Cintu ! upendante chì un impiegatu m’arrubbava soldi ! si vulia marità cù a mo figliola ! ch’ùn era micca a mo figliola ! è avà a serva si ne và cù i ghjuvelli ! capite avà ? perchè a vi vogliu fà spusà ?li mena.

Entre a moglia, si giranu vedenu à Orsu.Mr Findus punta u massore fora di a scena è dice bonghjornu à Orsu.

Mr Findus -Oh Orsu ! chì piacè di vedevi ! cumu và ?

• -Propiu bè Mr Findus !

Mr Findus -Chjamatemi Antone !

• -allora induve erate passatu ? racuntateci !
• -eh bè…quandu monsieur m’hà messu à a porta…
• -mà innò ! a facia apposta !

Mr Findus-iè ! era per ride ! allora cusì vuliate cullà nant’à u Monte Cintu?

Orsu -iè! mà ghjuntu in Ponte-Leccia sò vultatu!

• Oh ! u mo Orsu !è si basgianu.

Pauletta -Oh Antone và à circa una buttiglia di champagne!

Mr Findus – Mousseux basterà… !

U massore vede à Orsu è à Catalina. Mena à Orsu cù a valisgia è u lampa fora. Pauletta cerca i buchjeri.

• -Mà induve hè Orsu?!!
• -pigliendu Mr Findus per u collu.Orsu ? s’hà ingulitu i ghjuvelli di a serva chì si n’hè andata nant’à u Mte Cintu perchè aspettava un ciucciu nù una valisgia ! apre a valisgia a li rivocca in capu è si ne và.
• - Antone ! u massore hè scimitu !

 

 

 

SCENA 12

Ghjacintu assesta a valisgia. A serva sona è entre cù a valisgia di ghjuvelli.

• -Oh Margherita!….Scusate …Madama a Cuntessa !
• -Madamicella chì c’hè?
• -Orsu hè ghjuntu! Mà si n’hè andatu!
• -mà hà da turnà à vene! Ci vole sempre à sperà! Fidighjatu à mè!
• -iè!
• -Sò ghjustu venuta à piglià a mo valisgia è à rende questa quì ! ùn l’aghju micca pussuta apre… allez avvedeci ! voi dinù un ghjornu parterete da quì !

Sortenu traminduie.

 

Entre Mr Findus è chjama u Conte à u teleffonu.

Mr Findus -Bonghornu Monsieur u Conte di a Zucca ! c’hè statu un sbagliu di valisgia !

A valisgia di madama a Cuntessa hè quì , si n’hà purtatu a meia !

…a mi pudete purtà …cusì piglierete a vostra …è cusì piglieremu un caffè !

Si gira è vede à Martinu inzergatu.

-Ch’avete torna voi ?

• -Nenetta hè sparita ! vi vulia dumandà…vuleria a mo valisgia…

Mr Findus -Quella di i ghjuvelli ?

• -Iè mi feria piacè…è pò vi vulia dì v’aghju arrubbatu torna 60 000€ è 98 centimi…

Mr Findus -cumu avete fattu ?

• -quandu avete firmatu sti fogli , ci n’era unu biancu …ch’aghju riempiutu...è cusì aghju ritiratu i soldi…

Mr Findus -chjamu a pulizza !

• -aspettate vi prupongu qualcosa…s’hè vò mi rendite i ghjuvelli…vi rendu sti soldi !

Fideghja a valisgia è riflette.

Mr Findus -d’accordu ! purtatemi i soldi …vi dò i ghjuvelli !

• -mà Nenetta ?

Mr Findus -allez ! vi dò u so indirizzu !

• -mà a lettera ch’aghju firmatu !

Mr Findus -a vi dò dinù ! mà datemi i soldi !

• -vò à circalla! hè in vittura !

Mr Findus -HI HI HI ! li dò a valisgia di Margherita…u Conte m’hà da rende quella di i ghjuvelli…inventu l’addirizzu di Nenetta…

• -tenì a valisgia ! datemi l’addirizzu è a mo lettera ! è i ghjuvelli !

Scambianu di valisge pruvendu à dassile attempu.

• -Mr Findus site un omu onestu !

Mr Findus -voi dinù allez andate à circà à Nenetta !

 

 

 

 

 

 

 

SCENA 13

Mr Findus conta i soldi.

Mr Findus -Ha Ha HA! L’aghju burlatu!

Entre Pauletta.

• -Aghju chjamatu à Pôle Emploi per avè una serva !

Catalina pienghje.

Mr Findus -Mà chì hà torna !??

A socera-Pienghje à Orsu ! cumu avemu da fà !hè colpa vostra !

Mr Findus -nù a possu più sente ! è si ne và.

• -Veni quì Catalina…l’avemu da truvà….
• -À Orsu nù u vogliu più !

Sonanu hè u Conte cù a valisgia.

U conte -Bonghjornu Madama !

• -Oh bonghjornu Monsieur u Conte di a Zucca !

Rosa- Oh u conte di a zucca ! oh u goffu !

U conte -portu a valisgia di monsieur …è vengu à riguarà quella di madama a cuntessa…Monsieur ùn c’hè ?

• -monsieur hè stancu…hà a pena in capu…mà piglierete un caffè ? - Allora vi maritate à ciò chì pare ?

U conte-iè cù Margherita !

Sona u so teleffonu- Iè ghjungu subbitu U mo fiore subbitu!

Hè assai ghjelosa!

A socera – Bellaghju hè ! hu hu!

• – hè goffu !!hè goffu ! cum’è un pidoghju !
• -Eccu a vostra valisgia ! u bonghjornu à a Cuntessa !

 

 

 

 

 

 

 

 

 

 

 

 

 

 

 

 

 

 

 

 

SCENA 14

• -hè u to babbu c’hà da esse cuntentu !

Ghjunghje Mr Findus currendu è si lampa nant’à a valisgia.

Mr Findus -Bas les pattes !

• --Catalina…Rosa …u vostru babbu hè malatu !

 

Sona u massore à a porta , entre cù un mazzulu di fiori per fassi pardunà d’avè fattu u scandalu.

• --cunniscite à Catalina ? a mo figliola ? Oh !.. cumu sò pazza !....
• -Mi sò annerbatu…u sangue m’hè cullatu in capu quandu aghju vistu à Catalina cù un antru…
• -vi site annerbatu per nunda ! era un cuginu chì ghjunghjia da u Polu nordu !
• -ah… ? avia intesu Mte Cintu…

Mr Findus -Ah ! Nico ! site quì !

• -sò venutu per scusami…

Piglia a valisgia.

Mr Findus -ùn hè nunda…allez parlemu di u vostru matrimoniu cù a mo figliola !

Vi parlava dunque di a furtuna ch’aghju da offre à a mo figliola per u so matrimoniu….eranu ghjuvelli ch’avia messu nù una valisgia…mà s’hè trovu chì a serva s’hè sbagliata di valisgia …hà lasciatu a soia…mi capite ?...

• -iè vi seguitu…

Mr Findus-S’ellu c’hè qualcosa chè voi ùn capite …a dite !

-spiega perchè chè v’avete trovu un ….face u gestu di u soutien-gorgeu soutien-gorge di Margherita !

• -Margherita hè a serva ?

Mr Findus -voilà ! hè simplice ! cuntinueghju…unu di i mo impiegati m’hà arrubbatu 60 000 €

• -allez !??

Mr Findus -i m’hà resi !

• -tantu meiu !

Mr Findus -mà ùn mi tagliate micca a parolla ! bon sò in sta valisgia !

• -a valisgia di a serva !

Mr Findus -MÀ INNÒ ! PRUVATE À CAPISCE ! a valisgia di a serva… u Conte di a Zucca hè venutu à piglialla !

• -mà chì Conte ??

Mr Findus -mà ùn capite nunda ! site una vera zucca !

• -Eiu o u Conte ??

Mr Findus -bon allez basta ! avete quì una valisgia chì cuntene 60 000€ in biglietti !

• -micca in ghjuvelli?

Mr Findus -aiò ! mà ùn circate micca e cumplicazione ! digià ch’ùn capite nunda ! aprite a valisgia !

U massore apre è ne caccià u soutien-gorge.

Mr Findus -HA ! HA ! sò scimitu ! è mena u massore è si ne và

Entrenu  a moglia è a figliola.

• -Madama u vostru maritu hè in sdirangiamentu !

Pauletta  -a sapemu ! vi lasciu cù a mo figliola…

• -Babbu v’hà dettu ch’aspettava un ciucciu !
• -aspettate un ciucciu ?
• -Innò ghjust’à puntu ùn aspettu micca !mi vogliu marità ! aghju una furtuna sapete !
• -iè nù una valisgia !

Entre mr Findus.

Mr Findus -Pauletta !

• -sò quì !

Mr Findus -vogliu scioglie un misteru ! avia quì una valisgia è ci tenia assai !

• - quella cù i  60 000€ ?
• -chì dite ! ùn vidite chì u mo maritu ne hà abbastanza !

Mr Findus -SILENZIU !

• -Mà Babbu Margherita l’hà purtata a to valisgia è a pigliatu a soia !
• -allora tuttu và bè!

Mr Findus -NÒ! Martinu avia purtatu un antra valisgia !

• - quella cù i  60 000€ ?
• -oh…voi chjudidella !

Mr Findus -vogliu sapè induve hè !

• -mà ai dumandatu à u Conte di vene à circalla ! hè ciò ch’ellu hà fattu… poveru tippu cù Margherita ghjelosa fragica !

Mr Findus -hè venutu ??!!HA !   HA !

•  

Chjama u Conte à u teleffonu.

Mr Findus -allò Mr u Conte passatemi à Margherita ! si n’hè andata ? Cumu ? spezia d’abrutitu chè vò site !

• -andate tramindui ! Antone mi faci a vergogna ! mi dumandu ciò chì Nico hà da pensà di tè !u leteca, ellu stà à capu bassu.

 

 

 

 

 

 

 

 

 

 

 

 

 

 

 

 

 

 

 

 

 

SCENA 15

Sonanu à a porta.

Mr Findus -a mo valisgia ! Signore fate ch’ella sia a valisgia. Entre Nenetta.

• -Monsieur aghju persu à Martinu !

Mr Findus -allora aspettate quì chì da quì à pocu hà da vultà ! perchè c’hè una storia di valisgia….hè cumplicatu !a face sorte.

 

Sonanu à a porta, hè Martinu.

• -Mr Findus…ùn aghju micca trovu à Nenetta…sò addisperatu…vi rendu a valisgia…..

Mr Findus -Ah ! a valisgia !avà nù a cappiu più ! v’aghju dad ì a verità! Nenetta hè custì è v’aspetta.

Sonanu à a porta.

• -sò mandata da Pôle Emploi…

Mr Findus -Chì hè ?

U servu-A nova serva !

Mr Findus -ha ! bonghjornu ! cantendu, cuntentu

• -sò quì per u impiegu di serva…aghju digià travagliatu quì 20 anni fà…

Mr Findus -vint’anni fà !

• -iè ! erate un giuvanottu !

Mr Findus -Carlotta ! site maritata ?

• -innò mà aghju una figliola !

Mr Findus -ah bon !

• -s’hà da marità !

Mr Findus -oooh !

• -mà hè riccu …è eiu sò povera!

Mr Findus -li vogliu fà un rigalu! Chì face stu giuvanottu ?

• -hà una bella piazza ! l’anu ancu crisciutu u so mese ! hè passatu direttore !

Mr Findus -uuuuh ! ùn si chjama micca Martinu per azardu ?

• -iè !u cunniscite ?

Mr Findus -ùn cunnoscu chè à ellu ! allora site a mamma di Nenetta ?

• -a cunniscite ?

Mr Findus -hè a mo figliola !

• -a sapiate ?

Mr Findus -di chè ?

• -chì Nenetta era a vostra figliola ! voga tondu

Mr Findus -cumu hè ch’avete aspettatu tantu per dimmila ?

Pienghjenu tramindui. Tandu entre Pauletta.

• -O Antone ? chì c’hè ? Quale hè sta dona ?
• -ghjè a nostra serva !
• -cum’hè chì site tristi ? madama hà l’annoii ?
• -Nò pienghjimu di gioia !

A socera-Beu ! poca gioia !

Si ne và.

Mr Findus -hè quì !

• -quale ?

Mr Findus -a nostra figliola !

• -Nenetta ?

Mr Findus -iè Nenetta !

• -Nenetta ! Nenetta !
• -oh mamma ! chì faci quì ?
• -Nenetta ti prisentu u to babbu !

 

A socera-eh bè …si puderà chjama Pulpetta Findus!

 

• – Vi basgiu ! i basgia tutt’è dui.
• -oh babbu!

Mr Findus -a mo figliola! a basgia è ripone a valisgia.

Entrenu Pauletta, Catalina, è a socera.

• -allora si ride avà !?
• -Madama mi prisentu…

Mr Findus-nò nò nò…e spiegazione seranu per dumane !

Entre Orsu

• -Orsu !
• -Catalina ! sò ghjuntu in Francardu è sò vultatu!

Pienghje ancu Ghjacintu.

 

Sonanu à a porta hè Margherita entre è si piglia a valisgia.

• -Mr Findus aghju l’onore di dumandavi d’esse u vostru ghjenneru !

Mr Findus -Accurdatu !

• -Ah innò !...

Mr Findus -Accurdatu !

• -Mr Findus renditemi a mo valisgia !

Mr Findus -hè a toia ! c’hè custì di fà a vostra furtuna !

Apre è ci sò l’affari di a serva.

Mr Findus -HAAAA !

Si svene, sò tutti ingiru à ellu.