A BURRASCA DI I MORTI

 

Erami in Santa Lucia di Tallà, u ghjornu di i morti è Antonu Saietta divia andà à venda i so castagni in Sartè.

A veghja, hà impiutu i  arpii è bertuli di manera à essa  prontu a mani à punta di ghjornu.

Li bastarà à imbastià u so mulu è carcà lu. Intantu hè andatu à chjinà si.

 

Vinia à pena di chjuda l’ochji chì fora una timpesta si scatena, incenditi, toni è po si sentini brioni  di malidizzioni:

« Ch’è tù sia maladettu, tù, a to moglia è i to ziteddi ! »

 

Spavintatu,  in sudori, u tintu sveghja Sabedda a so moglia, chì li dici :

-«  A’ missu i piatti pieni di castagni cotti  à u balconu incù una cerra d’acqua ? » 

-« Sangu’lla Madonna ! Mi ni sò scordu ! »

 

Hè corsu in cucina, hà presu un  piattu pienu di baddotti, una cerra piena d’acqua è l’hà missi nant’à u balconu pà i morti, ch’eddi pudissini manghjà, bia è lavà i so piccati.

Si n’era scordu è i morti ani fattu sapè ch’edd’erani scuntenti !

 

Pocu dopu più nè timpesta, nè malidizzioni.

Antonu s’hè richjinatu  parchì à  trè ori di mani,  divia piglià a strada di Sartè pà ghjungha sopra piazza di bon’ora.

 

A so moglia ùn vulia, ma hè partitu listessa benchè a timpesta avia ripresu forza.

Ghuntu à l’imbrancamentu, vedi ghjunghja pà a strada d’Olmicia a «Squadra D’Arrozza», una cunfraterna cumposta di una quantità infinita di morti,  chjamati i murtulaghji, tutti vistuti di neru è ruchettu di seta bianca nant’à i spaddi, u capucin’in  capu,  è tinendu un candeli accesu in manu.

 

Pitrificatu di paura, Antonu si hè fermu à bocc’aparta ! A Squadra l’hà inturniatu è unu di i murtulaghji li vulia dà un candeli accesu.

 Si sà bè ch’ùn ci voli mai à piglià qualcosa datu pà a Squadra d’Arrozza, ma Antonu ùn avia più u so ciarbedu, è hà presu in manu quiddu candeli uffertu.

 

Di colpu, si senti ni  brioni è malidizzioni, com’è a sera nanzi :

-« Ch’è tù sia maladettu maladettu ! »   è dopu a squadra hè sparita.

 

Antonu hà vulsutu ghjittà u candeli ma era incullatu à a so mani è ùn si pudià staccà.

Si n’hè vinutu menu, è quand’eddu s’hè svighjatu, era u bracciu d’un zitidduciu ch’eddavia in manu.

Antonu hè partitu currendu è ghjuntu in Sartè, hè andatu à u cunventu di i monachi pà spiicà u so  turmentu.  Hà vistu un monacu :

-«  A sapeti bè ! Ùn ci vulia micca à piglià u candeli ! Avà hè fatta , è circhemu d’arragnà l’affari ! Senti bè ciò  ch’e ti dicu :

       -Trè notti di fila, a Squadra d’Arrozza hà da vultà sott’à u to balconu. I  murtulaghji ti dumandarani u bracciu di u ziteddu, ma ùn pudarè micca dà lu. I  campani ani da  sunà à murtoriu ma ùn aghji paura.

       - Accendi carbonu in quantità è teni prontu a brusta accesa.

       Quandu à Squadra d’Arrozza vinarà à briunà sott’à u balconu, lampa li un pocu di brusta.

        Ani da essa arrabiati è vularanu entra in casa. Laca li entra è lampa tutt’à brusta chì ti ferma. Tandu u bracciu di u ziteddu s’hà da staccà, l’ani da piglià  è ani tutti da fughja.Cusì sarè salvu. »

 

 S’hè passatu comu avia dittu u monacu ! Trè nott’in quà  hài ntesu i brioni, i malidizzioni, i campani chì sunavani à murtoriu,

ma lampendu li a brusta, hà pussutu sbarrazzà si di a Squadra

È sopra à tuttu, d’issu bracciu di ziteddu attacat’à a so mani.

 

Antonu si n’hè mortu pochi tempi dopu. A maledizzioni di a Squadra d’Arrozza hà di sicuru fattu u so effetu.

È parchì ?

Pà un’avè pensu à metta nant’à u balconu comu s’hè sempri fattu a sera  di a festa di i morti , castagni è acquà, ch’eddi pudissini manghjà, bia è lavà i so piccati.

 

A CROCI MAGICA

 

In Vighjaneddu, Marietta si divia marita oghji incù u Signori Matteiu. Dui beddi ziteddi, bravi è comu si devi. Tutti’i ghjenti di u rughjonu  vuliani participà.

 

I soldi c’erani è tutt’era prontu pà una festa chì si n’avia dà parlà !

Ma l’ora d’andà à ghjesgia era vinuta è  tutti si movani, in testa u frenu fatu di una rocca pà filà,  è piena di frisgietti di tutt’i culori,

fattu pà favuriza a nascità di ziteddi, è purtatu dà u Cumpari di a sposa.

 

Tandu si faci senta un brionu dà ghjaccià u sangui ,   a ciccona si metti à battà, è u culombu ribombà pà a cullina :

-« I sarracini ! I sarraccini ! »

 

Sò ghjunti  tutti  i paisani, si sò difesi, u Signori Matteiu in testa ma u numicu era numarosu è si hè subitu truvatu in terra  mezzu mortu.

Tut’a nozza si trova inturniata d’issi assassini chì in pocu tempu ani presu tuttu ciò ch’ededi pudiani purtà, è po videndu a biddezza di a sposa,

u Capi sarracinu hà s’hè purtata sensa alcuna pietà nant’à u so batellu.

 

Matteiu, feritu,  un pudia fà nudda. Allora a pisatu u capu dicendu :

-«  À quiddu qui pudara salvà a me Marietta, li docu vulinteri a mè anima. »

 

U Diavuli si hè subitu affaccatu, è  po  ha prupostu di variscia i so feriti è di salva Marietta d’i sarraccini. Ben’intesu pigliara l’anima prumissa.

 

U diavuli tocca u bracciu di Matteiu chì si trova varitu di colpu. Dopu scuzzula una mela carca quì vicinu è di ogni fruttu chì cascava surtia un suldatu prontu à ingannà i sarracini.

 

Erani subitu più di milli è  in pochi tempi, pà i sarracini fù un’amara disfatta. Matteiu hà ritrovu  Marietta è l’annu dopu, una volta finitu u dolu pà tutti 

i paisani  morti  in a baruffa, i campani ani sunatu pà u so matrimoniu .

 

A messa ùn era ancora compià chì di colpu, un’odori d’inzolfaru si parghji in ghjesgia, a terra si metti à trimulà, i candeli si spinghji ni è u Diavuli,

chi vinia à racuta l’anima prumissa di Matteiu, u piglia  pà i capeddi è ù si porta in infrernu.

 

Marietta era addispirata. I ghjorni dopu, a ancu vulsutu mora,  ma a so matrigna chì era una Fata è vinuta à u succorsu.

-«  Un pienghjà o Mariè, Sè tu voli, ti possu aiutà à circà è truvà Matteiu ancu in infernu.

       Eccu una croci.  Porta la à u coddu è viaghja. Ma sè tu senti bocci, ùn rispodi

      à nimu  parchì pudarii mori di colpu. Oramai, veni incù mecu.»

 

Ani viaghjatu trenta ghjoni è trenta notti quandu a fata dici ch’edda si ni devi andà. Ramenta à Marietta di micca risponda s’edda senti bocci, è po a laca andà a so strada.

 

Travirzendu una furesta, tanti bocci si faciani senta, dumandendu à Marietta d’andà incù eddi. Una si hè ancu fata passà pà a so matrigna, ma edda ùn n’hà risposu à nimu.

 

Marchja è marghja notti è ghjorni, è ghjunghi davant’à ùn palazzu chì avia una porta in farru, nantu era scrittu : « Se vo passetti issa porta, lachetti ogni speranza ! » !

Pà un’altra stradedda,, vinani tutti l’animi di i quiddi ch’erani  morti di pocu, è si n’andaiani in infernu.

 

Marietta s’hè missa à bulèghju è cusì eccu la in infernu induva Matteiu si divia truvà !

L’hà cercu in ogni scornu ma senza truva lu. A la fini, in u locu induva piuviia in cuntinivu acqua buddenti, hè ghjuntà davanti à u so sposu chì suffria tant’è più.

-«  chì a fattu pà ghjunghja in issu locu maladettu?”

Marietta ùn rispondi micca è li facci signu di suvita la. Ma Matteiu era incatinatu !

Eda tocca a cattena incù a croci data pà a Fata , u tintu è libaratu è si ni ponu andà.

 

Ma un dragonu varda a porta. Si metti à lampà accenditi è fiari versu i dui fughjitici è Marietta, presa di paura dici :

-« Salvami o Mattè, chì mi tombà ! »

 

Tamantu gridu maluroso ! parchì hà parlatu o Mariè ! ùn ci vulia micca,  avia  ditu a fata !

 

In un mumentu, una timpesta di focu  s’hè purtata i dui sposi è l’hà lampati in  un mari

d’acqua buddenti, pà l’eternità.

 

le pretre et son amante

 

Bianca,  di Palleca,  è Silvestru, un pritanchjinu di Ciamanacci s’amavani,  ma ben’intesu ùn si pudiani marità.

È vera chì un pretti innamuratu si ni vedi pocu, ma ci voli à sapè ch’eddi s’amavani dighjà quand’edd’erani inseme à a scola.

Silvestru s’era fattu pretti quand’edd ‘hà sapiutu chì u so babbu u vulia marità incù un’altra donna che Bianca.

Un si pudiani veda tantu suventi chì  Bartolu,  frateddu di Bianca l’avaria tombi s’eddu i vidia inseme.

Una sera s’erani ritrovi in a cappedda di San Ghjuvanni . Dopu avè accesu i candeli, si tinaini strinti incù tinnarezza quandu

i candeli si spinghjini di colpu,  è un passu si faci senta !

 

Tachi  tachi   tachi…Bianca a ricunisciutu u passu di u so fratteddu chì era sciancu.

È po Pan  Pan ! Dui colpi di pistola è Bianca casca morta in bracciu di Silvestru.

 

U pretti a capitu chì a prossima cartuccia saria pà eddu . Allora si lampa fora è scappa currendu in  a macchja. U passu è darett’à eddu 

à la fini si trova  davant’à porta di u campu santu. Era chjusa,  è tandu si vedi persu.

 

Ma un cavaddu hè quì,  come pà salva lu ! Silvestru s’acchjapa è fughji. Bartolu era  in collara nera !

-« Dariù ancu à me animà à u Diavuli pà pudè lu tumba ! »

 

Tandu si prisenta satanassu, si so missi d’accunsentu è partini à cavaddu, Bartolu u  fratteddu in groppa,   à daretu à u Pretti.

 

Patapa   patapa   patapa..

 

Siklvestru  avia un cavaddu incantatu è in pochi mumenti si trova dà quandi à  una muntagna.

U cavaddu di Satanassu fila  anch’eddu com’hè u ventu , !

 

Patapa   patapa    patapa … Dopu avè fattu u tornu di tutt’à vadi di u Taravu, so vultati à a cappedda  di San Ghjuvanni.

 

Satanassu si sbarca è dici à Bartolu   :

 

-«  Tè ! Hè u toiu ! Fà ni ciòche tu voli. »

 

-« Bruttu prittaciu ! parchì  avendu amata a mè suredda, m’hà ubligatu à tumba la ? »

-« Dumandu pardonu. Eiu l’amavu !  dumandu piatà !

-«  Ùn ci hè piatà pà l’ingannatori ! »

 

Eccu ch’eddu piglia u pretti pà i cappedi,  u trascina in terra  è silvestru  à la fini casca mortu accant’à u cadavaru di Bianca.

 

Si pesa allora un ventu scatinatu, accenditi è toni,  è po Satanas, aiutatu dà trè altri  dannati di l’infernu,  si portanu i dui amanti è  ancu Bartolu, u so assassinu.

 

U DENTI PALADINU      

Quantu seculi sò passati dopu à quiddi tempi chì u Diavuli pussidia ancu un casteddu incantatu d’i parti di Furciolu . È  chì casteddu ! Asculteti ghjà :

 

Era inturniatu d’un fussetu chì nì facia u tornu, pienu d’ acqua buddenti.  Quiddi chì pà disgrazia cascaiani drentu erani incotti in un mumentu.

I porti erani in farru è dragoni à setti capi nì vardaiani l’intrata,  è nimu ùn hà pussutu entra à veda ciò chì si passava.

Chi s’avvicina era subitu manghjatu pà un dragonu. Ci voli à dì chì ci era quì un sicretu :

 U Diavuli avia un Denti Paladinu.

 

Issu denti era comu una cerra chì notti è ghjornu lacava piscia un vinu famosu,  chè u Diavuli  facia tastà nant’à terra à tanti ghjenti, è dopu, una vota morti si pigliava i so animi.

 

U sicretu era purtantu cunnisciutu da certi, ma nimu ùn avia u curaghju di circà d’andà à veda.

Quiddi chì ani pruvatu ùn sò  mai vultati.

 

Uni pochi di sgarzidoni ani fattu una scummissa : d’andà in u casteddu è vultà incù u Denti Paladinu.  Nimu ùn si hè prupostu ma Petru Paulu Bianchetta hà ditu :

-« Eiu aghju d’andà à veda. Accadarà ciò chì accadarà. Ma sè ci ghjunghju, tamant’onori

     chì mi sara fatu ! »

 

Hè Partitu una mani di bon’ora è ghjutu vicinu à u casteddu, s’hè sdragatu un mumentu pà rifiata. Tandu vedi una donna chì curria briunendu incù un cignali

di centu kilo à darettu, chì a si vulia manghjà.

-«   A l’aiutu, amicu, chì socu persa. Salvetimi pà carità . «

 

Petru paulu inguanta a spada ch’edd’avia purtatu, salta in coddu à u cignali è u polsa di colpu !

 

« Socu una fata, m’hà salvata a vita ! Allora dumanda mi ciò Ch’è tù voli.

-«Vulariu entra in ù casteddu di u diavuli è dopu pudè sorta senza strazii. »

 

-« Di regula hè una cosa impussibuli. Ma t’aghju da dì comu fà. Ci voli à fà tuttu ciò

     che ti dicu è ùn scurda nudda.

      Piglia una sannà d’issu cignali Ch’è tù hà pulsatu. Edda ti fara entra in u casteddu

      senza svighjà i dragoni.   Attenti à ciò che ti dicu : ùn devi  piglia ne acità nudda

       in u casteddu,  chì pò mora di colpu. »

 

A dintonu  di u cignali in stacca, Petru Paulu si prisenta davant’à porta di u casteddu chì si apri Senza chì i dragoni ùn affaccani ! U spittaculu valia u colpu !

U sulaghjiu era fattu di diamanti, i lumi erani steddi lucenti, è drent’à i pezzi munimentali

c’erani statuli di marmaru chì parlavani.

Vedendu issu curaghjosu, una statula li dici :

-« Induva conti d’andà, povaru christianu ! Sè in’a casa di u diavuli ! s’hè beddu curaghjosu,

     ma ancu ùn pocu tontu ! »

 

Un’altra statula chì avia una spada cintà li dici :

-«  Saria di sfracigati u mucighili,  spezia di malaciamè, ti vogliu ammaza !

     Tè !  piglia issa spada,  veni quì è difenditi. »

 

Petru paulu  tendi a mani pà piglia a spada, ma di colpu si hè invinutu di i paroli di a Fata :

-« Attenti à ciò che ti dicu : : ùn devi  piglia  ne acità nudda in u casteddu

    chì pò mora di colpu. »

 

Allora a rifusatu è vultendu u capu s’hè miss’à corra versu una porta chì dava nan’t’à ùn ortu

maravigliosu pienu à frutti maturi, fiori di tutti i razzi, è tant’aceddi di tutt’i culuri chì diciani à Petru Paulu di maghjà ciòch’eddu vulia, ma ben che famitu,

i paroli di a Fata l’avia sempri in arecchji : un piglià nudda !

 

Più luntanu, beddi donni li dumandani di salva li chì sò prighjuneri di u Diavuli, ma prima

li volini dà à bia è à manghjà di manera cusì brava,  chì anc’ùn pocu si laca andà à dì che sì,

ma a capitu chì era megliu di fughja.

 

Una porta si prisintò chì lacaia veda una sala senza fondu. Si hè ficcatu drentu è a marchjatu

ori è ori senza mai veda induva pudia finiscia.

 

A fami è a seti si faiani senta  di più in più ! A la fini, vedi luntanu una surtita versu  un ortu induva c’era una funtana, chì pisciaia in una vasca di marmaru

 un vinu muscateddu.

 

A fatica ? A fami ? A setti? A paura?  chì hè chì hà dicisu Petru Paulu di lampassi drent’à vasca,  è di bia quiddu vinu senza ramintassi i paroli di a Fata ?

 

Intantu chì si hè annigatu drentu, è una quantita di diavuleddi l’ani purtatu cantendu in  un

pozzu profondu fin’à l’infernu.

 

U TISORU DI U CONTI RINALDU

 

À  Quiddi tempi chì  i corsi s’imbattiani contr’à i  sarracini, vicinà u Rizzanesu c’era un tisoru  in una sapara di u Diavuli.

 

Issu tisoru avia un patronu : u Conti Rinaldu,  di Fazzà. Un ghjornu ch’eddu partia à scumbatta incù i sarracini, a chjamatu

u Diavuli è l’hà prupostu di dà li l’animi di centu sarracini ch’eddu tumbaria,  s’eddu vulià varda li u so tisoru fin’à ch’eddu volti.

 

-« U ti vardaraghju u to tisoru. Ma se tu mori, saraghju ubligatu di abanduna lu. «

-« Socu d’accunsentu. Se morgu, allora ti ni pudarè andà è laca u tisoru senza difesa. »

 

Rinaldu ni parti nant’à u so cavaddu,  in testa à tuttu i paisani chì s’erani accolti pà difenda u lucali, è si lampani in piena bataglia incù u sarracini.

N’hè mortu tant’è tantu di i dui parti, è animi di sarraccini, Rinaldu n’à mandatu più di centu à u Diavulia chì li tinia u so tisoru, ma hà leccu una firita

murtali  è avanti di mora, a dumandatu à u so amicu Bocchineru  un serviziu .   Tandu un scacanu s’hè fatu senta ! chì sarà ?:

 

-« Aghju piatatu un tisoru in a sapara di u Diavuli. Andarè à circa lu. Ma ti ci voli

     fà à mezzanoti un pani  di farina di sialà, impastata inc’un cori di zitteddu,

     u ciarbeddu di un sarracinu è un pezzu di candeli Ch’è tù devi accenda  drent’à l’arcà

     di a Ghjesgia. «

 

Un altru scacanu si faci senta,  è un umareddu,curnutu è incù pedi di beccu si prisintò.

Era u Diavuli,  tuttu cuntenti chì intoppà pa i capeddi   u Conti Rinaldu è u si porta in infernu.

 

Bocchineru, l’amicu di Rinaldu si hè invinutu di a so dumanda.

Andaria à piglia u tisoru in a sapara ma comu fà ? Avia un pocu di farina di siala, ciarbeddi di sarracini morti ùn ni mancavanu pà issi piànuri,

ma comu fà pà truva un cori di ziteddu ? Umbèh ! Vidaremu !

 

I saracini s’erani presu è imbarcatu tutti i pruvisti di u rughjonu, è ùn ci era più nudda à manghjà.  Quatru  ghjorni in quà a famiglià di Bocchinerau

a suffertu a fami è u lindumani u so ziteddu di dui anni si n’hè mortu.

 

Bocchinera hà  presu u criaturu, hà ditu à Ghjacuminetta , a so moglia, ch’eddu andava à

Intarra lu in l’arca, ma una volta solu,  l’hà caciatu u so cori incù un culteddu.

Dopu hè andatu in ghjesgia, apartu l’arca è hè falatu drentu incù un candeli.

 

Battendu l’esca,  l’hà accesu ma si spinghjiva sempri. A sittesima voltà infini u candeli è fermu accesu.

 

Ghjuntu in casa, Bocchineru s’hè missu à impastà a farina di siala incù pezzi di u cori di u so ziteddu, u ciarbeddu di un sarracinu è una parti di a cera

di u candeli. Dopu à accesu u forru

E a fattu cocia quiddu pani.

 

U lindumani a presu a strada di a sapara di u Diavuli chì l’aspitava à l’intrata :

-« chì voli tù à st’ora ? »

-« Rinaldu hè mortu è m’hà dittu di vena à piglia u so tisoru. »

-« E u pani di siala, l’hà fatu ? »

-« Eccu lu »

-« Allora entri incù mecu in a sapara . Vedi qui issu pracipiziu, fala drentu chì culà

      si trova u tisoru. Eccu una scala pà fala».

 

Bocchineru hè falatu , a impiutu i so sacchi d’oru è di diamanti in quantità è po a vulsutu sorta ma u Diavuni avia caciatu a scala!

 

A capitu chì u Diavuli l’avia ingannatu ! Eddu da qui ùn sortaria mai. A pientu, s’hè missu à vinocchju ma u Diavuli ùn ha vulsutu

senta nudda. A scala ùn si metti,  è ti firmarè qui !

 

-«  Signori Davuli, fati mi sorta è vi docu tuttu ciò che vo vuleti ! »

-« Tuttu ciò che vogliù ? Allora codda puri chì mettu a scala ! »

 

Una volta surtitu, u Diavuli dici à Bocchibneru :

 

-« A prumissu di dà mi tuttu ciò che voliù

-« Iè, tuttu »

-« Allora vogliu a to anima ! »

Hè di un pussonu, l’hà fattu casca in u pracipiziu è falendu, Bocchineru s’hè sciapattu u

ciarbeddu.

 

Beddu reflessu, hè una fini malurosa  pà issu povaru omo, ma si pò dinò pinsa qui pà un pocu d’oru, ùn hà avutu paura 

d’impasta u ciarbeddu di u so filiolu ?

 

Comu sarà chì u Diavuli hè sempri circhendu animi à purtà in infernu ? Ùn sarà mai tecchju ?