Un umaggiu à Antoine de Saint Exuspery. di Cathy Campana

Terra di l'omi

Nant'à a terra di l'omi dunde l'anime si scontranu 
Nascenu liami chì nisunu ùn pò rompe
Cori in cumunione, mente in armunia
Sottu à l'ochju benignu di l'astri infiniti
Tale à un volu maestosu ind'u firmamentu turchinu

Per alzà si megliu l’esseri s’uniscenu
Portendu in elli amore, pace è bellezza
Cum'è una dolce melodia in l'eternità
In stu mondu mensu indū tanti destini si mischjanu 
Ogni vita hè un libru, una storia ch’è no ardimu 
Scrive ogni ghjornu, cù fiducia è generosità

Ind'u stile di u Principellu, in tutta simplicità
Cusì, nantu à a terra di l'omi, a speranza trizina 
Ch'ogni gestu, ogni sguardu, ogni sera
Sia impressu di tenerezza è di fraternità
Inseme, cum'è una custellazione infinita
Chì in stu desertu smizuratu
Duve u sentimentu hè legge 
Ognunu trovi a so strada, a so stella, a so fede
È chì disottu à u celu sgarzulatu di e nostre vite effemere
Sempre splendi a luce di u genuinu Amore.