Stà in casa

Stà in casa, ma stà in casa

Ùn pudia più stà.

A prima scusa ch’o aghju sculinatu a mi aghju chjappa è sò cullatu insù...
È atteppa è attepa ùn sò statu tantu à truvà mi quassù.
Mi aspettava a leccia...
Forte, maestosa è fiera mancu à pensà la!
È feghja è feghja, à rombu di fighjà la mi hè ghjunta l’angoscia in pettu
di pensà quant’è no simu debuli di fronte à a natura
è chì u velenu chì ci casca à dossu, ùn ci si pò fà nunda.
U frundame magnificu di a leccia hà messu à riminà da cima à inghjò
è paria ch’ellu incalcava iss’idea da ficcà ci la in chjocca...
È si hè alluminatu cun un verde vincitore.
Mi hè parsu di sente un scaccanu da incalcà l’umanu ancu à pena di più.

Tandu mi appruntava sottumessu à l’idea di ghjimbà u capu
quandu vidi spuntà u giallu di e ghjinestre d’oru.

Un chjarore inauratu ùn stete tantu à sparghje si 
a machja si era impiuta di issi chjarori gialli
un nulu zeppu zeppu si avia chjappu a leccia

l’oru di i fiori insignò u chjassu chì fala in casa
è mi parse di sente a voce chì ribomba in ogni locu
dapoi stu pocu tempu 
è dice di stà in casa!

Ghjacumu THIERS-16.05.2020
Videò youtube : https://youtu.be/9BqE_mG1te0

 

Reste chez toi, mais reste à la maison.   

Je ne pouvais plus tenir.

J’ai saisi le premier prétexte déniché pour grimper sur les hauteurs…
À force de monter je n’ai pas tardé à me trouver là-haut.
La yeuse m’attendait…
Robuste, majestueuse et d’une fierté que l’on ne peut se figurer !
À force de l’admirer !e regard rivé sur elle, j’ai senti l’angoisse envahir ma poitrine
à l’idée que nous sommes bien faibles face à la nature
impuissants contre le poison qui s’abat sur nous
et que nous ne pouvons rien face au poison qui nous accable.
Le magnifique feuillage de la yeuse s’est mis alors à ondoyer du haut vers le bas semblant insister sur cette idée pour nous l’enfoncer dans le crâne…
Et il resplendit du vert de sa victoire.
J’ai cru l’entendre vouloir encore rabaisser l’homme dans un éclat de rire.

Je m’apprêtais alors à me soumettre et à courber l’échine
quand je vis apparaître l’éclat d’or des genêts.

Une lumière dorée ne tarda pas à se répandre 
sur le maquis recouvert de ces scintillements
tandis qu’une nue très dense emprisonnait la yeuse.

Les fleurs d’or indiquaient le chemin qui mène à la maison
et j’ai bien cru entendre la voix qui résonne partout
depuis quelque temps déjà
et demande que l’on reste chez soi!