Sottu mare nutanu i becchi scuritaccati,
e squame perse, vagabonde

Sottu mare i gronghi sirpentini entrenu in e nasse,

in a piccula cità di lacrima, è ritornu ùn ci ne hè

Sottu mare undieghjanu l’erbe, i mulini,
e meduse di seta è e creste taglive

Sottu u mare chì ùn ci si hè postu pede nè manu pigliancia
ghjace straiata a nave di i vagabondi è a croce.

Sottu mare si hè spanticatu u fondu verdieghja
a verità di a rena innariciata cù nannuli frundami

O Signore fà mi vede i to chjassi sottu mare
S’o mi incamminu, ver di chè
s’o mi piattu, daretu à chè
s’o mi ficcu, drentu à chè

Ai postu sottu i pedi a terra pulverosa
ch’ella ùn si cuprissi à cardi è à prunicce
ed ai piantu u mare virdoccu,
l’erbe turchine, verde, brune è curve

Averai vulsutu qualcosa lindu è soffice,
spianatu da i passi di l’ochji

Averai sacrificatu l’andatu, u chjassu imaginatu
Per u luntanu scuru è pè l’amore.