T'AUGURU DI GUARISCE DI TUTTE E FERITE

CH’È T'ÙN DICI MAI À NIMU

Ti precu di guarisce di ciò ch’è t'ùn dici mai à nimu.

À l'appiattu daretu à stu muru,
Di cunnosce nove ferite, ai fretu
D'esse un doppiu, u to doppiu, ai sceltu,
Rifugiu di u to core, d'aggrunchjulita ritimatu.

Ti precu di guarisce di ciò ch’è t'ùn dici mai à nimu.

Sta chjusura ch’è t'alzi,
Cum'è u ferrale stazzona i so ferri,
Ùn hè nè eterna, nè definitiva,
Perchì, finalamente, u to core deve campà.

Ti precu di guarisce di ciò ch’è t'ùn dici mai à nimu.

Lascia a natura aiutà ti
Lascia i belli fiati affiancà ti
Lascia a to anima tene ti caru
In stu mondu fattu di pace è di ferru.

Ti precu di guarisce di ciò ch’è t'ùn dici mai à nimu.

Murmura a to sfrisgiatura,
Di a to prigiò à celu apertu, apreremu a serratura,
Faremu nasce cusì una bella verdura,
Fatta d'amore è d'acqua fresca, bella mistura.

Ti precu di guarisce di ciò chè t'ùn dici mai à nimu.

In stu mondu induv'è campanu
Futilità
Burla
Critica
Bugia
Ghjelusia
Birbanteria
Ipocrizia
Rivalità
Lascia u to core avè l'ultima parolla.

In stu mondu induve l'amore ùn s'ampara più,
In stu mondu induve u sintimentu hè mascaratu,
Lascia u to core avè l'ultimu tottu.

Salva ti in u silenziu,
Per cunnettà ti aldinentru
À a to surgente di vita chì ti surriderà
Chjodi l'ochji, inspira, surridi è espira,
Incù a gratitudine d'avè u core chì ci pensa
È lascia lu avè l'ultima parolla.

Ascolta u to core,
Ellu sà...

Ti precu di guarisce di ciò ch’è t'ùn parli à nimu.

In omagiu à tutt'a ghjente...

À quella ch'aghju amatu un pezzu fà,
À quella ch'aghju amatu un tempu,
À quella ch'aghju amatu nanzu,
À quella ch'aghju amatu troppu prestu,
À quella ch'aghju amatu troppu tardi,
À quella ch'amaraghju un ghjornu,
À quella ch'o tengu cara per sempre,
À quella ch'incuntraraghju un ghjornu,
À quella ch'ùn videraghju mai,
À quella di quale mi sò scurdata,
À quella chì m'hà dimenticatu,
À quella chì hè in u mo corpu,
À quella chì campa in u mo core...

À tè...