Ijola inventada
Ijola inventada de mi orì
rösa tromoranta y clematis
flu che dà fòra y s'inviëia
flu che se deura y dà vëia
Ijola

Ijola raisc de mia vita
fle de n'ega sarada
bajè menè demez dai mituns
bajè tomè de bastimanc
Ijola

Ijola inventada dal' iade
dla odissea che i fajarà
fazorel davert fòra da mi sogns
fazorel bagné: tö ne te dodes pa nia
Ijola

Ijola blea depënta de sorëdl
ince canche na niora s'intënj
y che la fëia flaternëia intoronn
sciöche n dessëgn de n paol
Ijola

Ijola inventada de mi crüzi
mi incherscimun nia acontentè
vidlada de sorëdl incantè
vidlada arbassada d'amur spau
Ijola

Ijola strinada y mai morta
fëia siciada che le vënt porta
ala falda plü ascognüda dl cör
olache le recort ne mör mai
Ijola