Amazon Prime si mette à u corsu

Pocu fà u serviziu di videò à a dumanda di u putentissimu Amazon hà prupostu a traduzzione in sottu tituli di a nova stagione di a seria Jack Ryan in lingua corsa.
Un iniziativa rimarcata da i twittaghjoli nustrali.

Par Lionel Luciani Publié le 25/10/2019 à 11:38 Mis à jour le 25/10/2019 à 11:50

Jack Ryan spezialistu di a CIA, trà bombe è attentati hà da pruvà à spiantà una rete di terroristi. Strascinatu trà i so spaventi di tandu quand'ellu era ind'è i Marines in Afghanistan è u so stintu di boy-scout, li tuccarà à fà valè tutte e so cumpetenze per fà piantà u so nemicu Suleiman, un terroristu islamistu chì vole vendicà a so famiglia.

Eccu un riasuntu bellu scucinatu à l'usu americanu, chì ferà sunnià tutti passiunati di filmi d'azzione in fondu à u Taravu. È puru, oghje hè prupostu in lingua corsa.
Mentre un tweet, Amazon Prime hà fattu sapè chì a stagione nova di issu "capi d'opera" serà sottu titulatu in corsu per u più grande piacè di i twittaghjoli nustrali sempre di più in brama.