Vultate cù u stessu mezu di trasportu è raghjunghjite u portu di a capitale.

Palma, fundata da i Rumani hè una cità pè u più di mare. Hè situata in fondu di una baia urientata à sud. Hè stata assai cambiata per tanti seculi ma tene sempre u so caratteru tradiziunale cù i so quartieri tipichi, e strette piene à case signurile, munimenti è chjese. Fermanu pochi munimenti di prima di a cunquesta catalana di 1229-1231. È puru hè stata cunservata una scelta di tutti i stili di dopu, è in primu locu u goticu, quellu di a Catedrale, l'Almudaina, la Lonja, u castellu di Bellver è u cunventu San Francisco.

Una di e so maraviglie hè u portu largu assai, duv’elli ponu accustà transatlantichi maiò, è po a calata di i piscatori chì tene sempre l’allusingu di una cità à orlu di mare viva è à l’arice, a so Passighjata Marina posta nantu à terre busche à u mare. Venenu à ancurà si ci assai canotti è battelli di piacenza.