Certi anu modu à diciulà : u telefunettu hè una cosa propiu pratica !

Quand’è tù vai à un appuntamentu è ch’è tù sì in ritardu, poi chjamà è prevene quelli chì t’aspettanu.

Quand’è tù cerchi a to strada, ti poi fà guidà.

È po, da n’importa chì locu, poi chjamà è in casu d’urgenza fà sapè duv’è tù sì.

Iè, ma ci sò ancu l’incunvenienti !

Ai modu à dì, cù u telefuninu, ai sempre à qualchissia à dossu.

U telefuninu in un certu modu hè Big Brother ! Duve sì è chì faci è quandu veni è cun quale ridi à cantu à tè?

Tuttu què hè bellu è bonu, ma oramai ùn ci ne pudemu più passà !