Antonu : Quantu ci sarà chilometri trà Aiacciu  Bastia ?
Marcella : Ci vole à cuntà duie ore ; si dipende s’è tù vai in piena cità o in i cuntorni ! (accurghjendu si chì Petru si ne ride) O Pè, chì ti piglia? Aghju dettu un sprupositu ?
Petru: Innò, hè cumu s’è ti dumandavanu l’ora è tù rispundia: « Simu luni ! »
Marcella : Ah ridi puru, chì cacciata! Sai chì noi Corsi cuntemu in ore di viaghju, micca in chilometri…
Letizia: Hè a terra chì cumanda. S’è tù sì in piaghja, u viaghju hè più cortu…
Maria : S’è tù colli in muntagna, hè più longu …
Petru: A Corsica dicenu ch’ella hè una muntagna in u mare…
Marcella : Hè cum’è u mondu, hè fattu à scala…
Letizia: À chì colla è à chì fala !
Antonu : È à chì pianta, ùn ci ne hè micca ? Ùn mi pare micca ch’è no simu pressati pressati. Ci puderiamu cansà una cria…
Maria : À pena più insù, a vista hè più bella : si vede tutta a falata à sinu à Bucugnà.