SPASSIGHJATA IN  A  « VALLÉE DE LA CLARÉE »

Partendu da u paese di Nevache, in u vallu -Vallée de La Clarée- ci si ghjunghje dopu viaghjatu una bella spassighjata. L’accessu à a spiscia ?  Eccu l’emu toccu… u vaghjime ! A neve aspetta chì à mumenti tocca à ella, è per fà la pazientà, i larici si vestenu d’oru…ma s’elle sò rispettate e tradizione: finestre chjose è cani à l’appollu.

AZZIONE È PRUGRESSI IN LINGUA CORSA

IN CARICA ANCU DI L’ASSOCI

         Oramai hè una bella stonda ch’omu dumanda a ricunniscenza uffiziale è generale di a lingua corsa. A voce di l’associ hè in leia stretta non solu cù issa dumanda di ricunniscenza furmale ma da parechji decennii hà chjappu una parte da allargà si oghje ghjornu...

         Ghjorni fà, in un scontru ci anu ramintatu un cartulare pensatu, discussu,  fattu è postu in u 1984 à a direzzione di L’I.E.C. (Istitutu di i Studii Corsi) tandu in sede à u Palazzu Naziunale in Corti: “PROPOSITIONS  POUR UN PROGRAMME ACTUALISÉ DE RECHERCHE EN LANGUE ET CULTURE CORSES”.

         L’appoghju vulsutu da l’associi ci hè discrittu è sviluppatu ancu in altre  parte... Quesse custì saranu publicate in e prossime messe à ghjornu. Un’altra publicazione porghje dinù infurmazione d’issi anni...pruduttivi: hè propiu da cunsultà! CORTI Università d’Estate 1984, Papiers de travail, Imprimerie “Le Petit Bastiais », 315 pagine, 1984.

(Leghje è s’ella vi garba, mandate ci i vostri parè è cumenti)

« Les leçons de A Pagina bianca

La Page blanche, texte bilingue »

Dapoi parechji decennii ùn si accuntenta più di vede esce ropa scritta in corsu, ma si cerca ancu à mette in lume parechji mutivi spessu lacati da cantu sinu à tandu. Si hè interrugatu omu cum’hè chì certi scrittori cursofuni ùn si sprimianu micca in corsu scrittu, perchè altri bislingui sciglianu una di e duie lingue cunnisciute, altri dinù e duie lingue per listessa opera... è tira avanti è tocca: A prassematica, messa in opera in u campu occitanu hà toccu ancu a literatura corsa è permessu di schjarisce -puru solu à penuccia!- l’attitudine di certi scrittori corsi. G.Thiers hà participatu in issu sensu à l’analisi di un testu “bislinguu” (di prima A Pagina bianca turnatu anni dopu La Page blanche) è propiu riesciutu di Ghjacumu Fusina:Cahiers de Praxématique n°5, Groupe Recherche en Linguistique Praxématique,U.de Montpellier, 1985

(Lighjite issu studiu di prassematica è scrivite ci puru u vostru parè)

UN RINGRAZIU TAMANTU

Di penna, di mina, di core è di mente l’amica Mariella CLEMENTI  ci porta à ramintà e qualità tante è tamante di  Petru GUELFUCCI, u  “talentuosu cantatore pueta è musicante, ch’ùn ci hè bisognu di presentà, hè natu in Sermanu duv’ellu hà crisciutu imbuccatu di a ricchezza culturale è musicale di a so isula natale”. Videndu è sentendu iss’umagiu vidimu affaccà è... campà tante scene, maghjine è sintimi di fratellanza mai compia...

(Leghje è sente) .

PUESIA, CANTU È... MEMORIE

I Scontri culturali in caffè duv’ella porta è mette anima creativa  l’amica Cathy CAMPANA ogni sabatu ùn sò solu mumenti di piacè senza sequitu. Di fatti  ogni accolta palesa a primura pè a spressione corsa chjappa è u travagliu individuale fattu da una settimana à l’altra da pudè francà l’ostaculi risentuti sinu à tandu da a maiò parte di i participanti. È isse spressione sò di parechji versi è cuntenuti... Cum’elli a ci facenu sente è vede i ducumenti in appicciu:  storia (E Memorie di F.O.Renucci presentate da Cathy), puesia è interpretazione varie (Quant'ellu ci n'hè! di Louis Rutheford)

(Leghje è sente) .

https://www.albiana.fr/accueil/1888-i-cannuchjali.html