Un ringraziu tamantu

Petru Guelfucci, talentuosu cantatore pueta è musicante, ch’ùn ci hè bisognu di presentà, hè natu in Sermanu duv’ellu hà crisciutu imbuccatu di a ricchezza culturale è musicale di a so isula natale. A so carriera artistica hè stata marcata da un affettu prufondu à e so radiche è un amore cusì forte per a Corsica, ch’ellu  sprime à traversu a so musica è e so parole puetiche.

Hà sappiutu incantà u so publicu cù a so voce putente è cummuvente, interpretendu canti chì contanu a storia è a bellezza di a Corsica. Hà sappiutu trasmette a fiertà di a so identità corsa à traversu i so spettaculi è hà cuntribuitu à a pupularizazione di a musica tradiziunale corsa à un livellu naziunale è internaziunale.

I so canti sò spessu matrati d’un prufondu rispettu di a natura, di a cultura è di e tradizione corse. Hè statu capace di mischjà i soni tradiziunali cù elementi cuntempuranei, creendu un stile unicu chì hà tuccatu un publicu numerosu.

Sfurtunamente, Petru Guelfucci s’hè spentu d’ ottobre di u 2021, lascendu daretu à ellu un preziosu patrimoniu musicale e pueticu. A so morte hà lasciatu dinù un viotu immensu in u mondu di a musica corsa è hà adduluratu i so numerosi ammiratori in u mondu sanu.

Li vulia rende un omagiu cù ‘sse duie parolle è ‘ssu disegnu,  ricunniscendu u so talentu eccezziunale, a so passione per a musica è a so dedizione per a prumuzione è a cunservazione di a cultura corsa. A so opera cuntinueghja à inspirà è tuccà i cori di e generazione future, perpetuendu cusì u so legatu è a so cuntribuzione preziosa à l'arte di a musica.

Avvedeci Petru…