MESSA À GHJORNU-15.10.2023
Vita di l'associu
![](https://interromania.com/sites/default/files/styles/image_400xx/public/ottobre_rossu-1_0.jpg?itok=S1vt1-hq)
![](https://interromania.com/sites/default/files/styles/image_400xx/public/ottobre_rossu-5_0.jpg?itok=qYWmwj4r)
![](https://interromania.com/sites/default/files/styles/image_400xx/public/papiers_didentites-1989.jpg?itok=tZoB5nfZ)
![](https://interromania.com/sites/default/files/styles/image_400xx/public/papiers_didentites-2008_0.jpg?itok=tlzCHI6g)
SPASSIGHJATA IN PUNTA ROSSA
Ci ne vultemu à e spassighjate nustrale... Sò carche di sumiglia è di particularità di pettu à tutte l’altre ch’è no pratichemu fora
“Punta Rossa marca à manu dritta l’usciu di A Bocca Tumasginesca in l’altu vallu d’Ascu. Issa cima hè sopr’à i Cascittoni, u « circulu di a sulitudine », u vechju passaghju miticu di u famosu GR20, fattu niellu da u 2015 quandu, cù u terrenu trafalendu si, hà tombu sette ghjente chì ci si facianu una girandulata. Oghje i nostri passi ci anu da purtà ingiru à 2283 metri à l’insù”...
(Fighjà i ritratti è... sunnià una cria.... Dopu, leghje, sente è ripete e varie parte di u testu sanu)
LUMI:“REPUBLIQUE ET REPUBLICANISMES”:
U prugrama di u culloquiu (11-12 d’ottobre) urganizatu da a squatra di a rivista Lumi ci hà purtatu sta volta dinù à fà u paragone trà a Corsica è l’altre regione di a Francia in u periudu duv’ellu ci fù -trà altru- scambii è intoppi trà cuntinente è isula per via di u centralisimu è a so a pulitica sculare longu à u seculu XIXu. Hè stata un’occasione di spone i cuntenuti di e ricerche digià fatte è quellechì ponu apprufundisce a cunniscenza d’issi fatti impurtantissimi pè a capiscitura ancu di e so cunsequenze sin’ad oghje. Sarà utile di cunsultà, e stonde è i passi digià publicati quì (cf.rubrica “Accolta”). Intantu, eccu:
E pagine 61-64 di Papiers d’identité(s) Thiers, (Albiana, 2008)
“I SERVI LITTERATI” DI VATTELAPESCA
Petru santu MENOZZI hà assicuratu a ripresa di e Stonde di u CCU cù una bella participazione di i studianti è publicu altru. I Servi litterati, hè una cumediola in trè atti, publicata in à fette Le Petit Bastiais, trà u 26 di lugliu è u 31 di agostu di u 1893. Ùn si sà propiu s’ellu si pò scumparte in sfarenti periudi a pruduzzione dramaturgica di Vattelapesca da dà li un assestu. , dimu quantunque ch’ella appartene issa pezza à un mumentu chì l’autore scrive e so cumedie più ampie è ambiziose. Avia publicatu pocu prima A Civittola, veneranu dopu Un Scemu è E Curnachje. Ci abbisogna una piccula arretta, faremu ogni tantu qualchì digressione (o un intermezu) da allargà u nostru sguardu à l’inseme di l’opera di l’autore.
(Fighjà ritratti, elementi scritti è riferenze)
A Corsica chì ùn vulia micca diventà un “brunzodromu”...
Mariella CLEMENTI ci porta à ramintà cos’ella pò esse a specificità di l’identità corsa di pettu à e marcheè tendenze di a vita ecunomica è sucetale di i nostri anni . È accerta u so ragiunamentu appughjendu si à riferenze carche di emuzione è di primura...
(Leghje è sente) .
Puesia è cantu
I Scontri culturali in caffè ch’ella crea è porta Cathy CAMPANA tutte e settimane anu cambiatu locu. Ci hà accoltu da u 30 di settembre. Una bellissima stonda apprezzata assai da l’invitati è presenti trà i quali duv’ellu si intesu puemi è canti è ragiunate piene di curtesia, di piacè, d’estru pueticu è ancu di risa .
(Leghje è sente) .
EVIVA U CARDINALE
U 30 di settembre, in Roma duv’elli ci eranu ancu 800 Corsi presenti, u Papa Francescu hà fattu cardinale à Munsignore Francescu Saveriu Bustillo. Cathy CAMPANA saluta issu avvenimentu in un’impruvisata
(Leghje è sente) .
APPRENDRE LE CORSE/IMPARÀ U CORSU
Notre méthode d’apprentissage à distance couvre les trois niveaux du Certificat Européen des Langues (A,B,C). C’est un procédé (gratuit et anonyme) permettant d’évaluer vos compétences. Les textes supports sont prononcés en langue corse et souvent en version plurilingue (corse, français, et anglais au niveau A).
Les exercices et documents sur les Baléares, la Sardaigne et la Sicile permettent de prendre contact avec le catalan, le sarde, le sicilien et l’italien. La diffusion sociale du corse mise en œuvre par la Collectivité de Corse permet de vous offrir cette réalisation et ce service.
Ci vulete aiutà à publicà a rivista tutta in corsu BONANOVA? Per quessa, rimandate ci stu biglittinu cù un sceccu intestatu à Associu CCU (1 numeru doppiu à l’annu costa 6€)
Arrugamentu da u numeru doppiu 43 sin’à u numeru …= 6 € ..X.. = ... €
Nome è CASATA.......................................Mail.......................................
Adirizzu..pustale ..............................................