SPASSIGHJATA IN A GIRAGLIA

Per quessa a spassighjata, ci simu affaccati in isse terre mediterranee vicine ma ignurate troppu spessu. Questa quì, sarà a più... vicina da Capicorsu. Hè sicura ch’è no’ ci truvemu sempre tante sumiglie è tante riferenze cumune longu à i seculi. Intantu, cum’è di solitu ci truvemu da campà ci è da riflette non solu à u passatu, ma à i chjassi di l’oghje è l’avvene...

 (Fighjà, Leghje, sente è ripete a robba in appicciu)

ZIA FRANCESCA: un ritrattu...

Stu racontu in lingua nustrale hè messu quì da cuntinuà e letture di creazione esciute in sequitu à e prove, pruposte è tendenze messe in opera di l’insignamentu publicu accessu dopu à e rivindicazione di u Riacquistu. Avvicinendu isse pruduzzione di quelle ch’omu si cuntinua à impinnà sti anni quì, si pensa di fà spuntà u dissegnu di un certu chjassu duv’llu si pò leghje cuntinuitç avvene. Soca sarà ancu un filu da stinzà ed arricchisce è in i mesi da vene di offre un vulume pè i lettori d’oghje. A figura impinnata quì hè sicura ch’ella ci face pensà à tanti ritratti di ogni famiglia...

L’associu di u CCU riceverà cun piacè ciò chì i lettori di www.interromania.com ci vuleranu mandà.

(Leghje stu racontu)

LUMI: Francesco Ottaviano RENUCCI (3)

Dopu à e messe à ghjornu di ghjugnu, purghjimu à a lettura un articulu esciutu pochi ghjorni fà in u Lumi numeru 2: Ci hè un articulu di parechje pagine nantu à l’istruzzione publica di u Dicennovesimu - «  Subordination des Corses par l’Instruction publique et l’imposition du français comme langue nationale ». In sequitu à u scontru (6 di ghjugnu scorsu) à u cullegiu Simone Vinciguerra di Bastia, sò stati riletti e testimunianze di e memorie di Renucci messe in cunfrontu cù l’Archivie di l’istruzzione publica  in Parigi (FN117) Aiacciu, Bastia è in Italia (in Pisa pè u più). Issi paragoni permettenu di apprufundisce cause, cunsequenze è effetti di i cunflitti linguistichi è culturali dapoi dui seculi.... Puderanu ancu ghjuvà à capì oghje a ricunniscenza cumpletta è pusitiva di a lingua corsa ch’omu chere da tanti anni....

(Si vecanu riassunti è ducumenti in appicciu)

SPASSIGHJATE TRÀ ARTE, TEMPU È VITA

Mariella CLEMENTI hà messa propiu in a so vita d’ogni ghjornu a spressione culturale artistica in varii modi di spressione. Trà quessi a scrittura è dicitura in lingua nustrala hè un puntu maiò. Eccu I ZITELLI DI LINAGLIE

.(Fighjà, sente è leghje à tempu)

CATHY: LINGUA, PUESIA, CANTU

Cathy CAMPANA hà messu in ballu appuntamenti –pè u più settimanali- duv’ella hè usata assai a lingua nustrale. Ci si scontranu persone ghjunte d’ogni locu . Un invitatu di primura hè u piacè,  ma ùn mancanu l’altri scopi è in particulare e ragiunate nant’à a Corsica è e so forze vitale. Musica è canti ci anu un bellu postu, è l’impruvisate ùn stanu tantu à ribumbà!

 (Lighjimu, vidimu è sentimu)

ROBBA: HÈ ESCIUTU U NUMERU NOVU, DIVIZIOSU È INTERESSANTISSIMU.....