Dopu riparlatu di a seanza di creatività teatrale di a matinata, un barattu interessante hà accoltu unepochi participanti ingiru à e quistione generale di a creazione literaria di pettu à e capacità bislingue di u scrittore. Da illustrà issa riflessione, si hè vulsutu esse cuncreti illustrendu a ragiunata cun l'opere è e riflessione di trè pueti chì ammentanu e so influenze, i so cuntatti, e so scelte è i so prugetti di spressione persunale tenendu contu d'issa quistione.

Mumentu interessante di cumenti è ragiunata in quantu à l'esercizii di pratica teatrale ch'elli facenu i sculari cù i so prufessori in cullegiu. A discussione chì gira da u ripertoriu classicu in francese à l'elaburazione di e varie parte ghjucate da i cullegiani face spiccà unepoche capacità ch'ellu tene issu territoriu duv'ella pare ch'ellu sarà più vivu ch'omu dice, u corsu. Tandu, hè utile à mette in opera attività integrate ind'è l'insignamentu da fà ch'elle l'ammaestrinu di più issi sculari chì l'anu, ma l'usanu pocu è micca.

Petru Saveriu ci palesa una bella passione pè u teatru. À sente lu parlà è scumbatte, si sente quant'ella pò esse spannamentu a spressione teatrale pè una persunalità cumu a soia. Lingua è linguaghju teatrale si appaghjanu da porghje li propiu una manera di esse è di pudè si dì. Di pettu à e pudenzialità ch'omu sente videndu lu sprime si in issu modu sgualtru è piacevule, ùn si pò chè circà à esse più di più in più attente à porghje à isse spressione i mezi di spannà si in cumplementu cun l'altre discipline ed attività educative.

Teatru: Rivolta zitellesca

Scola di terza bislingua , 17 sculari

Sugettu: un tarrenu da vende per fà casette per i turisti porta cuntestazione.

Filmata à u CCU, prisintazione di i participanti :
Dr Jean-Bernard Adrey, Director of international Experience and Mobility , Coventry
Dr Elwyn Lloyd Senior Lecturer, CELTA main course tutor, DEPARTMENT of English and Languages, Coventry
Pascale Trarieux-Sageaud, prufessore d’inglese, ESPE, UDCPP
Dr Dominique Foata, prufessore di corsu, ESPE, UDCPP
Pr Alain Di Meglio, Rispunsevule pedagogicu di i MEEF PE, ESPE UDCPP
Dr Sebastien Quenot, rispunsevule LCC, CTT di Corsica