1 : O Marcè, Petru hè un bellu ziteddu ?
2 : Innò, à mè ùn mi piaci tantu.
3 : À mè mi piaci mondi !

1 : Noi semu una famidda tamanta.
2 : Ancu noi, parenti ni aghju quì, in Cuntinenti, in Italia è ancu in America.
3 : A meia,  a famidda, ci ni hè ancu in Allimagna è in Inghiltarra.

1 : Nanzi erani i parenti chì ti sciuvaraiani un maritu !
2 : Zitta bè ! Hè meddu oghji.
3 : Hè vera ! Matrimoniu è maccaroni, s’è ùn sò caldi ùn sò boni !

1 :  Andeti à u intarramentu ?
2 :  Andria, u pastori. T’avia uttanta anni.
3 : Un antru chì si ni và… è si porta un pezzu di a cultura noscia.

1 :  In cità si stà bè è in paesi dinò.
2 :  Eiu po innò, in paesi m’annoiu.
3 :  Eiu mancu à pena. In paesi ci avemu tutti i nosci ricorda.
4 :  Noi semu di a marina. U nosciu paesi hè a cità !

1 :  La ghjenti di u Cuntinenti ùn ci capiscini micca.
2 :  Ùn cunnoscini micca l’esiliu com’è noi.
3 :  Esagerighji ! Ùn semu micca esiliati lachendu a Corsica.
4 :  Un isulanu chì laca a so isula parti in esiliu !