Dopu à a so racolta di scritti corti L’eiu stesu (Albiana-CCU, 2017) chì hà ricevutu u Premiu di u Libru Corsu, Philippa Santoni appronta un’altra publicazione  sempre in quantu à e quistione di l’identità, sia persunale sia generale di l’esse umanu. Senza retorica inutile è cù una passione vera chì cerca à tempu più sinceru è più vicinu pussibule à e quistione chì impremenu à tutti. Ind’è sta piccula intervista, barattendu idee è impressione cù a so amica Marina Branca dice issa primura soia. Issu libru in fieri sarà in forma di unepoche di lettere indirizzate à ghjente vicina cum’è genitori o parenti di a famiglia stretti, o interlucutori pussibuli. Saranu dicenove scritti –è trà quessi unu in francese-chì anu da move è trattà, in modu literariu, quistione chì toccanu à tutti noi....