Versione :

TESTAMENTU

A pace hè u tempu da ricaricà u fucile
Bob Dylan

Ci tuccava à racoglie i nostri morti
è ùn ci pudiamu mancu à pena occupà di noi altri,
di u nostru dulore o d’una felicità
più chjuca:
A vita ci curria à l’ingiru,
furestera.

Sapiamu ch’è no eramu ghjente cumplicata
è ciò ch’è no diciamu ùn era sempre ciò ch’è no vuliamu dì,
è puru certi ghjorni,
pochi ghjorni
mi svegliava novu novu dopu sunniatu di tè.

A notte sinistra
da parlà di pace,
da parlà di guerra,
si abattia cum’è l’ombra di un fucile.
Ed ùn fù ghjustu
ch’è tù mi pigliessi per un omu distruttu è distruttore,
una fine per tè,
una tara.
Ùn era nè ideale nè intelligente di cascà nant’à una stagione
disgraziata.