Versione :

STÀ À SENTE

STÀ À SENTE

 

Stà à sente u cantu di l'accelli

A risa di i zitelli

Stà à sente u silenziu di u celu

U sbottu d'un batter d'ochju

Stà à sente a natura stuzzicà u veranu

Un barabattulime di farfalla

Stà à sente u ventu cù e fate ballarine

Un fiore chì sì spanna

Stà à sente l'innamurati

U spuntà di u ghjornu

Stà à sente u fiume chì si basgia u mare

U tremitu di a schiuma

Stà à sente a mossa di i nuli

L'inturbidì di u celu

Stà à sente u sussuru di a terra à u sole

U trizinime di l'arburi

Stà à sente e stelle cantà à l'universu

E preghere di l'omi

Stà à sente a dolce calata di a neve

U tercanu inguernu

Stà à sente u frisgiu pueticu

Chì sì chjappa i to sogni

Stà à sente un core di vita zeppu

Chì lascia corre una lacrima.

 

                                                Scrittu da Lisabetta Paccioni Chessa