Versione :
Corsu

I SCARPI

Un scrittu di Anne-Sophie Torre

U 25 di lugliu, un sfilare di moda in Parighji chì adunia e più belle donne di Francia hè statu annullitu. In mezu à issi manicchini, una ghjovana corsa di 24 anni nativa di u rughjone Aiaccinu. Si chjama Letizia Bruni è campà cu u so fidanzatu Marc’Antò Rocca, unicu figliolu d’una famiglia ricchissima, chì hà fattu furtuna in Monacu cù assai palazzi. Trà e sfilare di moda, e shootings è e serate di Letizia, l’appuntamenti è e cene di u ghjovanu Marc’Antò, u coppiu hè malgradu tuttu felice è aspessu ritrattatu da i paparazzi chì vani à piattà si in l’arburi intornu à a casa di Letizia è Marc’Antò. Letizia facia assai cuparte di riviste. Era assai invidiata da tutti. Ci hè sfarente raghjone : hè bella, hà assai talentu, ma dinò hè ricca è ancu per via di u so fidanzatu. Travaglia assai cù u so amicu Steevucciu chì hè u so piluccheru è truccatore parsunale. Li piace à parlà cù ellu di tuttu ciò chì si passà in a so vita, e so paure, i so dubiti è e so brame. Un ghjornu hè ghjunta ind’è Steevucciu, ma Steevucciu hè statu assai surpresu di a visita di a so amica Letizia chì paria di scumudà lu. Quandu Letizia hè ghjunta ind’è ellu, l’hà truvatu intraccia di taglià i ritratti induv’ella ci era. Hè stata un pocu intrigata ma ùn s’hè micca intarrugata tantu.

Steevucciu era ghjelosu di tuttu, invidiava à tutti è sunniava d’avè più soldi ch’è l’altri. A tintachja di Letizia ùn era micca amata da tutti, è ancu menu da e so rivale chì erani pronte à tuttu per piglià a so piazza nant’u à i podiums è in peima paghjina di e riviste. Una di quesse, Lucia Ornano, avia pruvatu à truncà li u nasu è a so ghjamba dritta puntendu la in e scale. Letizia fece una lagnanza in ghjustizia è l’affare piantò custì.
Ma Lucia Ornano hà avutu assai prublemi u 23 di lugliu di u 2010. Di fatti, u 23 di lugliu di u 2010, Letizia hè stata ritruvata morta in a furesta di Vizzavona. Marc’Antò avia signalatu a so spariziona u 22 di lugliu di 2010 versu 19 ore, quandu a so fidanzata ùn hè micca rientruta di u so shooting. A disgraziata hè stata ritruvata sottu un arburu, u so assassinu l’avia lascia custindi, nuda, longa tirata nant’à a terra freta è troscia, cun una fumaccia pisia addossu. Letizia era certamente morta di manera orribile. Purtava marchi orrendi in corpu. Ti avia i so pedi è e so mane ligate. Ma u più stranu era chì u so assassinu li avia rasatu i so capelli nanzu di lampà la in a furesta. Li avia messu à cantu so scarpi. L’inchiestadori si dumandavani à quale pudiani esse tutti issi scarpi. U disgraziatu Marc’Antò era statu ubligatu di vene in a furesta di Vizzavona per identificà i scarpi. Erani quelli di Letizia, ma tutti arruninati, tronchi, in pezzi… U tintu Marc’Antò ùn si n’hè mai rimessu. Quì, in a furesta, lampata cum’è un animali tombu, avia vistu a donna di a so vita. Quella ch’ellu devia spusà. Nuda in issu fretu… Issa maghjina tutta a so vita u devia castigà.
L’inchiesta fù longa è piena à macagni è surpresi. L’inchiestadore, Senore Leroy era assai cunnisciuttu in lu mondu. Specialistu rinumatu di l’omicidii strani è cumplicati.
Si ciuttò senza trigà in u passatu di Letizia. Pocu dopu scupria a storia trà Letizia è Lucia Ornano. Lucia era a prima accusata di issu crimine atroce. Ma l’autopsia avia mustratu chì e marche ritruvate nant’à u corpu di Letizia erani stati fatti da qualchissia di più chjucu chì Lucia. Ma un dopu meziornu, Steevucciu era in pienu travagliu cun Maria l’amica cara di Letizia quandu Steevucciu hà dettu una parolla chì li face capisce chì Steevucciu pudia esse u culpevule. Di sicuru era omosessuale, ma tandu parchì tumbà à Letizia ?
Tuttu vensi più chjaru in u capu di Maria. Era simpliciamentu ghjelosu di u successu di Letizia è sopratuttu di l’amore chì Marc’Antò avia par ella. A pulizza hà presu issa pista di manera seria. Feci a perquisiziona in a casa di Steevucciu. Fù custindi chì tuttu u mondu fù surpresu.
Tutte e mure erani tavulate di ritratti di Letizia ma in ogni ritrattu Steevucciu avia messu u so capu à a piazza di quellu di Letizia. Ritruvonu dinò vestiti di Letizia è vidinu induve cuntava i so prughjetti è i raghjoni chì l’aviani purtatu à tumbà à Letizia.
Sunniava chì Marc’Antò partia cun ellu. Tanti altri volti dinò divintava una donna o piuttostu sunniava d’esse ellu Letizia Bruni.
Quand’ellu venne u so prucessu, spiicò parchì avia arrubatu e scarpe è parchì l’aviani purtate accantu à u cadaveru di Letizia. Fù tandu ch’ellu disse : « Tenia caru i so scarpi; allora aghju vulsutu tumbà i so scarpi dinò ».
Nantu à isse parole, tuttu u mondu zucculava. Tanduy tutti ani capitu chì Steevucciu era un mostru.
Hè statu messu in prighjò è hè mortu di tristezza è di culpabilità.