Lino ANGIULI

Lino ANGIULI

ANGIULI Lino

Lino Angiuli hè natu in u 1946 in Valenzano (Bari). Oghje stà in Monopoli (Bari) duv'ellu travagliava ind'è l'amministrazione publica. Hà publicatu parechje racolte di puesia: Liriche (Cosenza, 1967); La parola l'ulivo (Manduria, 1975); Campi d'alopecia (Manduria, 1979); Iune la lune (Fasano,1979); Amar clus (Foggia, 1984); Di ventotto ce n'è uno (Fasano, 1991).Hà portu parechje cuntribuzione à serie di prugrami culturali nantu à a RAI è scrittu regulare in a Gazzetta del Mezzogiorno.

Cullabureghja dinù à l'edizione di giurnali literarii: cun Gianni Custodero, Aggetti (rivista di puesia dialettale); cun Giovanni Dotoli è Raffaele Nigro, In-Oltre; cun Nigro, Meridioni (rivista di creazione è critica di l'Italia suttana). U dialettu di Angiuli hè quellu usatu in Valenzano è Monopoli.

"saria difficiule di reduce issu travagliu pueticu à un listinu di temi lirichi o à a ragiunata di tutti i ghjorni, à un drama persunale messu in parolle. Palesa una maghjina di a puesia chì ùn hè solu naturale, ma intelettuale cun audacia. U so corpus poeticum ci porta in cunsunanza non solu cù u mitu di a bellezza ma ancu cun qualcosa chì trapassa a nostra idea di a so armunia in giru à una verità cuscentamente stretta è corda”
(Ruggero Jacobbi)

"U viaghju pueticu di Angiuli hè l’odissea di una cuscenza castigata, una lotta da scavà l’intimu prufondu è sputicu, una falata straziata propiu penosu ma prumessa à ghjunghje à termini stupendi. Hè a splurazione ch’ellu face un veru archeologu di e viscere”
(Giuseppe Zagarrio)

"Melupea nè picondria, ùn ne truverete ind’è issu puetone di l’Italia suttana. Solu un spiritu terraniu è fine chì tocca a vita passendu pè a disciplina critica di u scrive, cù un sguardu acutu nantu à l’avvene, è sempre svegliu”
(M. Lunetta)