Cari lettori,

Lasciate mi sparte u mo locu, u mo paradisu, chì hè di più chè un paesolu per mè. Hè un'emuzione. Ogni volta c'o ci vengu, u mo core batte più forte, i mo ochji cercanu à catturà ogni detagliu, a mo anima s'appacia, cum'è s'ella era infine in casa soia.

Ci hè sempre una magia quì, una sensazione difficiule à discrive. L'aria, l'odore, i soni...tuttu mi parla, tuttu mi ramenta quale sò. Hè cum'è un abbracciu, cum'è un filu di melodia ch'o cunnoscu per core è ch'ùn mi possu scurdà...

Scala, 'ssa piccula marina, u mo paradisu à mè cù a so decina di magazini appicati à 'ssi sciappali, hè 'ssu sintimentu di libertà è di pertinenza à listessu tempu. Cum'è un pesciu ind'è l'acqua, eiu ci ritrovu u mo soffiu di vita. Quì tuttu hè di più bellu, di più veru, di più mè...

Quellu chì hà un locu à sè in u mondu, chì u face sente in vita, quessu pò capì... È per mè ghjè quì, u mo paradisu per sempre in u mo core... Hè custì chì curu a mo anima ferita di troppu sensibilità, 'ssu paradisu chì mi nanna di i so dolci bracce...

Babbu, ellu sapia st'amore per 'ssu magazinu, chì hà sempre dettu chì Scala sarebbe per mè è u mo fratellu hà rispettatu...

Hè dunque custì chì mi languiscu...