Zocculos d'oro in unu tratt'e luna
Caddu moro cun sa giua lughente
Mùida 'e sas alas suas flussu e reflussu 'e su mare
Modulende sa 'oghe sua cantat e incantat cun
dulchesa
E iscumparint sos mundos

Luna nuda
Luna profumada
Tue ses sa musa
De custos chelos
O Damigella fadada

Zocculos d'oro una brazzada 'e isteddos
Caddu biancu alenu ses de flautu
Chelu ch'ingannat ispiju trafittu dae isperanzias
A tantos surrisos de una die s'ojada tua si frìmmat
E tando eo m'innamoro

Luna muda
Luna profumada
Tue ses sa musa
De custos chelos
O Damigella fadada

Zocculos d'oro coma s'est aberta sa notte
Trobojados destinos intrizzados
Mùida 'e sas alas suas flussu e reflussu 'e sos
mares
Lamentu de vidas offesas antigas istrazzuladas
E naschent sos mundos

Sole ruju
Sole nieddu 'e s'avrèschida
Sole meu
Fogulume
Segretu de rennovamentu