Alexandru Macedonski

Alexandru Macedonski (1854 - 1920) dicenu ch’ellu hè statu scrittore francese quant’è chè rumenu. Fù ellu à sopra à tuttu à purtà u simbulisimu in a literatura rumena. Ghjuntu è stallatu si in Parigi in u 1884, hà publicatu un rumanzu Calvaire de feu (1906), è puemi. Trà quessi una racolta cun titulu Bronzes (1897). Hè statu dinù elluà mette in ballu manere puetiche à l’usu Musset è Mallarmé, è dinù l’affirmazione di u versu scioltu. Hà scrittu è publicatu in rumenu è in francese, ch’ellu fussi in Francia, Rumenia o Belgica.

In un 2006, hè statu fattu sociu di l’Accademia rumena à titulu postume

O! Diu, mirà cumu ch’o sò cambiatu                                    

Più palidu chè l’annigatu                                                                                                                

Chì prova ma ch’ùn pò accustà                                                                                                              

Nè possu vive nè crepà.                                                        

S’hè ficcatu u male in u mo core                                         

Unguentu ùn ci vale à squassà mi issa pena                         

I numichi m’anu carcu à disonore                                         

È l’anni sò ghjunti à sciaccà mi catene                          

O! Diu, mirà cumu ch’o sò cambiatu