Muscavanu à fenu
i to capelli culor di pane
chì ci ciuttava u visu contraventu
cun tè à calappusà in bissicletta
(a Combet di babbu) finu à ghjunghje
à cascà in un solcu di vigna
pienu d'arba è di fronde, primu lettu
di ghjuventù macerba.
A vendemia
compia tardi a sera ci lasciava
un ricordu di risa nantu à e bucelle
adumbrate di pampane è un sapore
nantu e labre di mostu, grombuli
arrubati à l'ape prima di a notte.