(Paroles : M.F. Marchetti - Musique : traditionnel)

Audio
chant: R. Chiorboli;
accompagnement: F. Andreani

O lu trenu di Bastia
Hè fattu per i Signori
Pienghjenu li carriterri
Suspiranu li pastori
Per noi altri osteriaghji
Son affanni è crepacori

Anghjulì, lu mio Anghjulinu
Pensatu n'aghju una cosa
Quand' ellu passa lu trenu
Tira li di mitragliosa
È li sceffi chi sò dentru
Volta li à l' arritrosa!

À chì hà inventatu lu trenu
Hè stata una brutta ghigna
Li ghjunghji lu filosserà ne
Cum' ellu hè ghjuntu à la vigna!
Li caschinu i capelli
Incù la più forte tigna

Anghjulì, lu mio Anghjulinu
Dà ti un pocu di rimenu
Vai è feghja issu catinu
S'ellu hè viotu o s'ellu hè pienu
Ch' avemu da presentà lu
À lu sceffu di lu trenu

Ùn si vende più furagi
Pocu pane è micca vinu
Passanu le settimane
Senza vende un bichjerinu
Chì ci avemu più da fà ne
In piaghja lu mio Anghjulinu.