Paroles : Ghjacumu THIERS
Musique : Remi CHIORBOLI

Audio
chant: R. Chiorboli;
accompagnement: F. Andreani

Aghju pocu mintrastu
appesu à i ricordi
i platani scughjati
mi sò belli castagni
a capra tintinnaghja
stà ind’on campanile

Percò sò di Bastia
chì cura à la calata
u molu genuvese

U Mercà San Ghjisè
Piazza d'È A Marina
Montepià Paratò
San Ghjuvà U Guadè
stò in Funtana Nò
duve ride u delfinu

Percò sò di Bastia
Chì cura à lu carrughju
L’amore citadinu

A meia l’Alta strada
trinca pè e chinette
strette è scalinate
u sole si li strughje
a memoria si asciuva
à zozzò ò libecciu

Percò sò di Bastia
Chì cura à lu marinu
I scialbi di i so caghji

E corte è i purtò
sò i mo verdi chjosi
a Traversa pettina
i passi di i signori
un sgaiuffu strascina
i stagnunacci azezi

Percò sò di Bastia
Chì cura à li casali
E gnere zitelline

Ma lu sguardu mi porta
à la serra di Pignu
ci ribomba Ritondu
cù la voce di Cintu
Alcudina chì accinna
à li zinni sumigli

Chì simu di a filetta
Chì ci tesse la mente
Chì lampa e cunfine
(bis)
È lampa e cunfine