Un accennu di u nostru amicu è currispundente Jaume CORBERA, prufessore à l’Università di l’Isule Baleare (UIB, Palma de Mallorca)

In u so blog DO DE LA PARAULA, Jaume CORBERA ci insegna un avvenimentu chì riguarda ed interessa à primu puntu l’inseme di e lingue rumaniche, dunque dinù a nostra. Si tratta di una cerimonia di presentazione di una soma di studii è ricerche fatta pocu tempu fà à l’Università di Barcelona (UB). À l’onore, era u travaglione fattu da un sapiente maiurchinu, u filologu Joan Veny Clar, prufessore di Dialettulugia Catalana è di Linguistica Rumanica. Si hè portu una racolta di i so studii intitulata De geolingüística i etimologia romàniques, número 40 de la "Col•lecció Homenatges" de la UB.
Truverete prufittu è piacè lighjendu in catalanu u resucontu publicatu ind’è L'Espira, suplementu culturale di "Diari de Balears", u 3 di ferraghju de 2013, ripruduttu da u blog :

http://dodeparaula.blogspot.com/2013/02/joan-veny-romanista.html#ixzz2KW7UIGW5