Ragiunata
L'amichi di Calvi...

Maria : Eiu, ugni volta ch’e vengu in Calvi, aghju u laziu di stà quì.
Ghjacumu : Hè vera chì stu locu hè una maravidda. A Balagna sana hè cusì. Tutti i so pievi sò vicini à u mari, ma appiccicati à a muntagna.
Antonu : U me arcimissiavu era pastori in Niolu. In famidda dicini ch’iddu passaia a mità di l’annu in Falasorma in Balagna.
Leria (burlendu): Sarà chì venia in vacanzi à piddà si qualchì bagnu !
Maria : Senza burlà, Calvesi è Balanini sò sempri stati più marinà chè pastori.
Leria: Spissu pensu à Cristofanu Culombu. Ùn hè partitu da quì ?
Maria : Ùn hè micca sigura ; pari ch’iddu era ghjinuvesi.
Marcedda : Cunnoscu una parsona in Maiorca. Li amparani à a scola ch’iddu era catalanu…
Antonu : S’iddu hè cusì, parchì Culombu ùn saria micca di Sartè ?