À u Rè Salumone li piacia à gode si i so giardini fora di Gerusaleme, trà mezu à u frescu è l’acqua chì curria.

In issi giardini surgia una fonte splendida Fons Signatus, più bundante chè l’altre di Palestina, cun l’acqua fresca è dolce è chì face pensà à u versettu di u libru di i Cantichi.

Hè un sughjornu di incantu è trà l’arburi in fiori, in un lume splendidu è irreale, trà e frundami chì accarezzanu u sguardu, pare ch’ella affacchi cum’è una figura sopraumana, incurunata di ragi di lume è cù l’ochji pieni di lume benivulente è innamuratu.

Per listessu chjassu venia tutti i ghjorni Salumone in u so carrozzu di Rè è facia vulà a so tunica bianca carca à riccami di oru è di seta è suminata cun perle magnifichi è devia esse ancu più spampillente cù i primi ragi di u sole matuttinu.

Accumpagnatu da i so fidati è servi è cavallieri si ne venia da u so palazzu di Sione à passà a ghjurnata in u so palazzu di Etham. Issu sugiornu magnificu duminava issi giardini misteriosi chì anu ispiratu, dettatu da u Spiritu Santu, u Canticu di i Cantichi, chì nè prima nè dopu in u mondu sanu ùn si ne hè scrittu cusì belli versi di a puesia amurosa è di puesia mistica. Tutti l’epitalami, l’idile è a puesia di l’oriente ci sò tutti in quessi i versi chì parenu esse stati micca in paradisu terraniu, ma in paradisu di u cele.

(secondu Jacint Verdaguer)

Jacint Verdaguer