Leria : Ma chì faci Maria ?
Marcedda : Telefunighja !
Leria : Dinò ? Faci più d’un’ora avà !
Marcedda : Parla incù Ghjacumu.
Leria : Issi dui quì, ùn si lentani mai !  L’hà dighjà chjamatu arimani !
Marcedda : Ma chì pò fà ? T’ani affari da dì si è basta…
Leria : Ah ! par quissa dì la puri, ma cusì avemu da essa in ritardu pà u spittaculu !
Marcedda : Ma calma ti, calma ti. Sò 6 ori è u tiatru apri à 9 ori.
Leria : Trè ori pà fà cinquicentu metra, un chilometru à u più ! Voddu creda…
Marcedda : Iè, ma ùn semu nè in Sartè, nè in Aiacciu. Quì in Parighji, ùn manca la ghjenti.
Leria : Quissa po nò. Aghju lettu à nantu à Youtube ch’iddi ani vindutu tremila piazzi pà u cuncertu !
Marcedda : Ani ancu pinsatu à fà lu in un stadiu è po, à l’ultima, ùn l’ani micca fatta.