BON DÌ, BON’ANNU È BON’ CAPU D’ANNU, PACE È SALUTE PER TUTTU L’ANNU !

Pace è salute à voi è quelli chì vi sò cari per u 2024 !

Per st’annu novu, vi pregu u megliu per voi ma soprattuttu :

️ una salute di quelle, assai forza è vitalità per sente vi per u megliu è rializà tutti i vostri sogni ;

️ e più belle rilazione, piene d’amore, di cumplicità, di rise, di cumprensione è altrettante belle stonde di spartera ;

️ assai prusperità, divizia è securità materiale, finanziaria... pregu per chè v’avessite tutte e risolse ch’avete bisognu per sente vi à l’asgiu è cunfurtevule ;

️ a vuluntà, a securità è a mutivazione necessarie per piglià decisione bone per voi è passà à l’azzione per rializà i vostri sogni ;

️ tantu sustegnu, guidanza è risanamentu da i vostri anghjuli.

È soprattuttu, vi auguru una cosa impurtantissima : avè l’ardì, u curagiu d’esse...voi stessu !

Perchè chì...iè... site una persona magnifica è u mondu sanu vi duveria pudè cunnosce cum’è vo’ site senza primurà vi di u sguardu di l’altri, i ghjudicamenti è e critiche ! Meritate d’esse pienamente voi è d’altronde, u mondu hà bisognu ch’è vo’ siate voi stessu !

Ricurdate vi chì site una chjanusgia di u Divinu. Vale à dì chì site una parte di Diu chì ghjunse à incarnà si in ‘ssu corpu è issa identità chè v’avete adupratu oghje...

Dunque, quande v’impedite d’esse voi... impedite Diu di splende !

Tandu, ùn vi vergugnate più è mustrate à u mondu sanu qual’è vo’ site !

Mi trica di vede vi spampillà !

St’annu, splendimu inseme ! U mondu ne hà bisognu !

À ringrazià vi d’esse voi stessu ! GRATITUDINE per voi !

Vi basgiu è vi dicu à prestu !

Ci tengu cari !