O chì ghjornu predilettu

O chì ghjornu furtunatu

U Cesit sott'à u mo tettu

À ricercà lu passatu

Nomi di lochi è dialettu

Patrimoniu smenticatu

 

Medori linguista ardente

Sapiente è professore

Autorità competente

À serviziu di l'amore

Luneschi bon presidente

Di so lingua cercatore

 

Santini in Cursichella

Indaga pà issi paesi

Benevola sentinella

Ùn vole nomi francesi

Raffini face griscella

Di li totti i più cortesi

 

Marcellu incù pazienza

Parla di Bigornu amatu

Ùn ci hè bisognu di scenza

U core nasce amparatu

Anch'ellu tene cuscenza

Chì lu corsu hè scasatu

 

Petrapola, e Trè Stelle

Per u sempre preservati

Petr'Alta è e Chjoselle

Cari siti cullucati

Cusì dolce passerelle

Da l'oghje à l'antenati.

 

Cathy Campana, lugliu 2020

 

CESIT (Cumitatu di studii scientifichi è informatichi di a toponomia corsa.)