Ducumentu
Bonifaziu u situ
![Bonifaziu Bonifaziu](https://interromania.com/sites/default/files/styles/image_548xx/public/bonifaziu_15h.jpg?itok=CbSJvw_2)
Bonifaziu
In punta sud di a Corsica Bonifaziu tene un postu uriginale duv’ella si trova : impalcata nantu à una rocca di calcina bianca bianca zuccata à mille forme da u ventu è u sale, stà cusì da i tempi più landani di fronte à l’arcipelaghi : l’isule Lavezzi è Cerbicale. Cù i so 70 chm di liturale stà cusì sopra à I Bucchi, passagiu marittimu strettu strettu. Vista da u mare, a cità pare ancu più insù è stupiscenu isse case antiche alzate in punta à isse rocche alte è runzicate da i marosuli.
Pà Bunifaziu