• SONU 1

L’età di bronzu in Auddè

Alè, eiu ùn vi vogliu cuntà a storia -chì ùn sò bonu per cuntà!- ma insignà vi a strada,credu di esse ne capace....

• Alè ! Attacchemu u chjassu ! Eccu ci duv’elle si incrocianu l’estive di Cuscionu

Propiu à mezu à issi paesi di muntagna zuccati in a petra si trovanu e vistiche di un’epica bella chè compia dapoi un bellu pezzu. Custindi i nostri antichi di l’età di bronzu cum’è no a femu noi oghjeghjornu, scuprianu tandu i sicreti di a nostra isula cusì bella. Hè certa ch’elli avianu postu è assicurata a so cità nantu à qualchì puntu strategicu assai, una d’isse cime pinzie.. Ci avvicinemu di a rocca di Cucciurpula

In cima

• Vista nant’à A Sarra di Scupamè
• In fondu I Puntali di Bavedda
• I puntali di Bavedda
• E vistiche di u casteddu

SONU 2

• Sottu à u scogliu in cima

Tempi più tardi in listessi lochi, i sgiò anu fattu un casteddu. Un situ chì dava a pussibilità di vede l’altura di U Rizzanesu è i chjassi di l’estiva.

Da vede issu situ, ci vole à andà in Auddè è piglià l’antica strada, “un chjassu vechju vechju” chì permette di fighjà l’Alta Rocca è u so patrimoniu.

D’altronde i siti di Cucuruzzu è Capula ùn sò luntanu…

• Vultendu, eccu a neve !
• Una bella cappella prima di vultà ver’di Auddè
• Vista nantu à Bavedda

SONU 3

U Brocciu ? Eccu un’altra versione di a legenda

À un vechju crucivia di dui chjassi chì unu andava ver’di l’estive di Cuscionu è l’altru in Auddè è Quenza, ci hè una legenda chì conta cum’ella hè stata inventata a sosula di u brocciu…

“À iss’epica in issi lochi u Diavule venia à sfidà un vechju pastore. Un ghjornu eccu ch’ellu li dumanda tutti i so casgi di un mese minaccendu di piglià li e so pecure s’ellu li ricusa. Tandu u pastore inventò u brocciu, chì casgiu ùn hè: tuttognunu a sà.

Quand’ellu volta u Diavule à riclamà li ciò ch’ellu li deve, eccu ch’ellu hè custrettu à lacà i brocci. Di rabbia annunzia chì l’annu dopu si hà da piglià tuttu ciò chì saria à gallu. Malignone u pastore ! Eccu ch’ellu pianta e carotte chì à u Diavule ùn li vensenu chè e fronde. Tandu u Diavule pensò ch’ellu era megliu di cultivà à di per ellu è andete in un ferrale à fà si u so aratu ma un ferru li cascò nantu à u pede. Scimitu da a pena, inguantò issu ferru, una mazza, è a lampò per aria. Quella falò è caschendu in terra creò un lavu stranu : u Lavu Dònacu. Dopu inguantò l’incudine di u ferrale è a lampò per aria. Quessa falò più inlà è fece l’Alcùdina (nome pumuntincu di l’incudine), u monte più altu di u Pumonti. .

Ricustituzione sbuchjata di un casamentu tipicu di a prima età di u ferru