Mondi

Zòcoi de òr enlongia n rai de luna
Ciaval neigher lumenea la clines
Screvedea l'ales jir e vegnir de l'ega
Sia ousc rendenesc e la ne encanta tant doucia
E se sfanta i mondi

Luna nuda
Luna dal bon odor
T'es la musa
De chisc ciei
O camarita encantesemèda

Zòcoi de òr n manoie de steiles
Ciaval bianch sofie de n flaut
Ciel che gàbola spieie trapassà da speranzes
Sun duc i grignótoi de la dì poja ti eies
E gé me enamoree

Luna nuda
Luna dal bon odor
T'es la musa
De chisc ciei
O camarita encantesemèda

Zòcoi de òr la net s'à orì
Engatiament de destins empetolé
Screvedea l'ales jir e vegnir de l'ega
Bùgol de vites ferides veiores zarèdes
E nasc i mondi

Soreie ros
Soreie fosch de l'èlba
Soreie mie
Fech lum
L secret del rescomenzèr