Manghjata è scontru ind'u San Petru di Campile

 

Oghje simu spatriati

È ind'è amichi andati

Pà issa verde Castagniccia

Tastà prisutu è salciccia

Solu in lingua nustrale

Chì u scontru hè culturale

Per esce un po'di Bastia

Emu sceltu l'osteria

U San Petru di Campile

Accant'à lu campanile

Saremu una cinquantina

À gustà a so cucina

Stu cumerciu cumunale

Diventatu capitale

Hè Gestitu da fratelli

À cità cum'è modelli

A forza d'una famiglia

Chì à l'altri face inviglia

Subbitu à l'apertura

Digià bella hè l'avventura

È i nuvelli patroni

Anu assai ambizioni

Portà a vita in paese

Sanu chì ci sò l'attese

Issa famiglia affaccendata

Appronta a tavulinata

Accunciendu cun amore

Robba corsa di sapore

Afin chì i so clienti

Si ne voltinu cuntenti

Jean Marie a calamita

Ci hà fattu strada fiurita

È cum'ellu hè musichente

Sà distrae a so ghjente

Un bè per u ristorante

Chì cun ellu hè gualagnante

Poi dopu cena s'aspetta

Ind'un'unione perfetta

Una gentile affacata

Di quelli di a cuntrata

Risentendu l'attrazzione

Pè u corsu in immersione

Preghemu chì sta ghjurnata

Sia più chè apprezziata

Chì d'altre seguiteranu

Sempre di spiritu anzianu

Cū a cuntinuazione

Di u corsu di babbone.

Cathy Campana 8/7/23